Qostanaı turǵyny ózi qurǵan telegram-arnasy arqyly Qazaqstan Respýblıkasynyń aýmaǵyna odan ári taratý maqsatynda veıpterdi zańsyz ákelgeni anyqtaldy, dep habarlaıdy Egemen.kz Qarjylyq monıtorıng agenttiginiń baspasóz qyzmetine silteme jasap.
Qarjylyq monıtorıng agenttigi Qostanaı oblysynyń aýmaǵyna veıpterdi, oǵan arnalǵan hosh ıistendirgishter men suıyqtyqtardy zańsyz ákelý faktisi boıynsha sotqa deıingi tergep-tekserý amaldaryn aıaqtaǵan.
«Veıpter Qazaqstanǵa Reseı Federasııasynan ákelinip, ári qaraı kýrerler men pochta jóneltimderi arqyly búkil el aýmaǵynda taratylǵan. Elektrondy temeki ónimderin alýǵa ótinimder 100 000 teńgeden bastalǵan. Elimizde aınalymyna tyıym salynǵan veıpterdi ótkizý faktilerin jasyrý maqsatynda tólem shetel azamatynyń bank kartasyna qabyldanyp otyrǵan.Kúdiktiniń turǵylyqty jerin tintý barysynda quny 45 mln teńge shamasyndaǵy 7,5 myńǵa jýyq veıp tabylyp, tárkilendi», delingen habarlamada.
Sot kináli tulǵaǵa probasııalyq baqylaýdy belgileı otyryp, 1 jyl bas bostandyǵyn shekteý túrindegi jaza taǵaıyndaǵan.