Buqara halyqtyń parasaty
Ábsattar DERBISÁLI, R.Súleımenov atyndaǵy Shyǵystaný ınstıtýtynyń dırektory, fılologııa ǵylymdarynyń doktory, professor. Keshegi ótken saılaýda qazaqstandyqtar óz tańdaýyn jasap, daýys berdi. Halqymyzdyń tańdaýy – ult taǵdyry, elimizdiń búgini men erteńi, bizdiń bolashaǵymyz. Árbir sanaly azamat elimizdiń turaqtylyǵy men órkendeýi úshin, halqymyzdyń ál-aýqatynyń ósýi úshin jáne óziniń de bolashaǵy úshin, osy kezge deıin júrgizilip kelgen Elbasynyń saıasatyn qoldap, durys tańdaý jasady. Qazirgi jetken jetistikterimizdiń, alǵan asýlarymyzdyń barlyǵy Elbasynyń kóregen de syndarly saıasatynyń arqasy dep bilemin. Onyń basshylyǵymen elimiz ejelden ata-babamyz armandaǵan táýelsizdikke qol jetkizdi, álemdik qaýymdastyqqa ózin moıyndatyp, tuǵyry berik memleketke aınaldy. Alda kóptegen maqsattar, atqarylatyn ister bar. Osy maqsattarǵa biz tek Elbasymen birge jetetinimizge men senimdimin. О́ıtkeni, Elbasynyń strategııalyq josparlary men baǵdarlamalary bolashaqqa aparatyn mańyzdy jobalar. Qazaqstan keleshekte baı, qýatty, bilimdi jáne jasampaz qoǵamy bar memleketke aınalatyny sózsiz. Qazirgi saıası turaqsyzdyq kezeńinde, álemdi ǵalamdyq daǵdarys jaılaǵan jaǵdaıda elimizdegi tynyshtyq pen turaqtylyqtyń qadirin túsine bilip, durys tańdaý jasaǵanymyz daýsyz. Qazaqstan osy jyldar ishinde tek qana jeńistermen kele jatyr edi. Bul saılaý da asqaraly belesten ótkizgen aıtýly jeńis boldy, buqara halyq óziniń aqyly men parasatyn taǵy bir kórsetti.Tańdaýdyń danalyǵy
Sergeı ÁZIMOV, kınorejısser, Qazaqstannyń eńbek sińirgen qaıratkeri. Men keshegi ótken Prezıdent saılaýynda kópultty, on jeti mıllıonnan astam halqy bar Qazaqstan óz tańdaýyn durys jasady dep oılaımyn. Elimizdegi turaqtylyqty, beıbit ómirdi, jasampazdyqty tileıtin el-jurtymyz óz qalaýyn jasady. Qazirgi saıası jáne ekonomıkalyq turaqsyzdyq jaǵdaıynda, talaı qıyn kezeńderdi basynan keshirgen, talaı qasiretten ótken tájirıbesi bar halqymyz beıbit ómir men turaqtylyqtyń mańyzyn jaqsy túsine otyryp, durys jáne dana sheshim qabyldady degen senimdemin. Jurtshylyq osy ulttar arasyndaǵy birligimiz ben ózara kelisimdi, sondaı-aq, jetken qundylyqtarymyzdy saqtap qalýǵa mindetti ekenimizdi túsinedi. Sondyqtan da, men saılaý tolyǵymen óz máresine jetti dep oılaımyn. Qazirgi kezeńde árbir adam ózi tańdaý jasaýǵa quqyly, oǵan eshqandaı shek qoıylmaıdy. Bizdiń dana halqymyz elimizdiń bolashaǵy úshin laıyqty tańdaýdy jasady. Ultymyzdyń danalyǵy men parasattylyǵy halyqtyń eń joǵary mádenıeti bolyp tabylady. Osy qazaqstandyq dúnıetanymmen jáne senimmen qalyptasqan saıası tehnologııa adamı mádenıetpen tyǵyz baılanysty. Qazaqstan halqy, sonyń ishinde, elimizge eriksiz jer aýdarylǵan ulttar men etnostar halyqtar arasyndaǵy birlikti, syılastyq pen ózara túsinistikti qazaqstandyq qoǵamnyń uly jetistikteriniń biri ekenin aıqyn sezinip, baǵalaıdy. Qazaqta «jaqsysyn asyryp, jamanyn jasyrady» degen naqyl sóz bar. Sheshilmegen máseleler kóp, alaıda, elimizdegi turaqtylyq, azamattyq tatýlyq pen ultaralyq kelisim – endi ǵana qalyptasyp kele jatqan qazaqstandyq azamattyq qoǵamnyń basty qundylyqtary. Osy qol jetkizgen ózara qatynastar júıesin, rýhanı qundylyqtar júıesin saqtap qalý óte mańyzdy, ony arttyryp, kelesi urpaqqa jetkizý – bizdiń basty maqsatymyz. Jeńisimiz qutty bolsyn, aǵaıyn, demekpin!Bultartpaıtyn jeńis
Maral YSQAQBAI, jazýshy, Qazaqstannyń eńbek sińirgen qaıratkeri. Qazaqstan halqy keshegi saılaý arqyly Elbasyna degen joǵary senimin taǵy da qýattady. Saılaý naýqany bastalǵaly beri árbir adam, árbir qazaqstandyq senimdi túrde óz tańdaýyn jasap qoıdy dep oılaımyn. О́ıtkeni, elimizdiń bolashaǵy men damýy, halqymyzdyń, keler urpaǵymyzdyń keleshegi osy tańdaýymyzben tikeleı baılanysty ekendigi bárimizge aıan. Qazaqstan jurtshylyǵy óziniń saıası belsendiligin, birligin, keleshegine nemquraıdy qaramaıtyndyǵyn kórsetti. Bul elimizdiń taǵdyryna, memleketimizdiń bolashaǵyna degen asqan jaýapkershilikti bildiredi. Osy saılaýda halyqtyń senimi aqtalyp, Nursultan Nazarbaev bultartpaıtyn jeńiske jetti. Elbasynyń jeńisi – elimizdiń jeńisi! Bul – halqymyzdyń Tuńǵysh Prezıdentiniń syndarly saıasatyn, memleketimizdiń ekonomıkalyq jáne áleýmettik qarqyndy damýyn, táýelsizdik jyldarynda jetken tabystarymyzdy qoldaýynyń jarqyn kórinisi. Elbasynyń asa zor saıası tájirıbesi, ómirlik danalyǵy, syndarly saıasaty, parasaty men sarqylmas kúsh-qýaty áli uzaq jyldar boıy Qazaqstan halqynyń múddesine qyzmet etetinine kúmán joq. Biz baqyttymyz, biz baqytty elde ómir súrip jatyrmyz. Sondyqtan da, árqashan zamanymyz tynysh, elimizde turaqtylyq bolsa dep tileımin. Jeńisimiz baıandy bolsyn, qazaqstandyqtar!Men de senimdimin
Shómishbaı SARIEV, aqyn, Qazaqstannyń eńbek sińirgen qaıratkeri. Prezıdenttik saılaý – el ómirindegi saıası mańyzy asa zor oqıǵa boldy. Oǵan qazaqstandyqtardyń belsene qatysqanyna bárimiz kýámiz. Halqymyz óz tańdaýyn jasady jáne basym kópshilik daýyspen prezıdenttikke Nursultan Nazarbaevtyń saılanǵanyna biz keremet qýanyshtymyz. Nursultan Nazarbaevtyń jeńip shyǵatynyna Qazaqstan halqy senimdi boldy. Ony biraýyzdan qoldap, daýys berdi. Ol Elbasynyń halyq aldyndaǵy bedeliniń, onyń sarabdal saıasatyna degen rııasyz senimniń aıǵaǵy. О́ıtkeni, halqymyz qazirgi álemdik daǵdarys jáne kóptegen memleketterdegi shıelenister jaǵdaıynda elimizdegi turaqtylyq pen tynyshtyqtyń saqtalýyna, ony ilgeri jeteleıtin de, kemel bolashaqqa aparatyn da búgingi Elbasy Nursultan Nazarbaev ekendigine kámil senedi. Elimizdiń birligi men tynyshtyǵyn tileıtin halqymyz Qazaqstannyń qarqyndy damýy úshin Elbasynyń ózi bastaǵan isterin, strategııalyq baǵdarlamalary men jobalaryn júzege asyryp, aıaǵyna deıin jetkizýin qalaıdy. Sondyqtan da, Elbasymyzdyń basshylyǵymen talaı qıyn kezeńderdi bastan keshirgen Qazaqstannyń bolashaǵy jarqyn da baqytty bolatynyna men de senimdimin. Elimiz órkendeı bersin, táýelsizdigimiz baıandy bolsyn, aǵaıyn! Jazyp alǵan Qorǵanbek AMANJOL, «Egemen Qazaqstan». ALMATY.