ASTANA. 29 qańtar. Ońtústik Qazaqstan óńiriniń ákimi Asqar Myrzahmetovtyń ókimimen Orashov Kúmisbek Áshirbaıuly oblystyq qurylys basqarmasynyń basshysy bolyp taǵaıyndaldy. Bul týraly oblystyq ákimdiktiń baspasóz qyzmeti habarlady.
K.Orashov 1964 jyly týǵan. Bilimi joǵary. Mamandyǵy – ınjener-mehanık. Eńbek jolyn V.I.Lenın atyndaǵy Ýlıanovsk (Reseı) kólik zaýytynyń III razrıadty slesari bolyp bastaǵan. 1985-1995 jyldary aralyǵynda №3 Shymkent kólik kombınatynyń II razrıadty slesari, Lengir qalasy júrgizýshiler daıyndaıtyn mekemesiniń muǵalimi, Saıram aýdany «Kommýnızm» kolhozy avtoparkiniń mehanıgi, Shymkent munaı qoımasynyń II razrıadty operatory bolǵan. Sondaı-aq, ol ár jyldarda «Kóktem» JShS janar-jaǵarmaı beketiniń II razrıadty operatory, «Ideal» JShS aýysym bastyǵy, kommersııalyq dırektory, «Stroı-Servıs-7» JShS dırektory, Ońtústik Qazaqstan oblysy Saıram aýdany máslıhatynyń hatshysy, Ońtústik Qazaqstan oblysy jolaýshylar kóligi jáne avtomobıl joldary basqarmasynyń basshysy qyzmetterin atqarǵan. Al 2015 jylǵy qańtardan bastap oblystyq turǵyn úı-kommýnaldyq sharýashylyq jáne jolaýshylar kóligi basqarmasy basshysynyń orynbasary bolyp eńbek etip kelgen.
Joldybaı Bazar.
Derek, sýret: Ońtústik Qazaqstan oblystyq ákimdiginiń baspasóz qyzmeti.