AQTAÝ. 29 qańtar. Aqtaý garnızony áskerı soty qyzmet babyn asyra paıdalanǵan áskerı qyzmetkerge qatysty qylmystyq is qozǵady. Bul týraly egemen.kz tilshisi habarlady.
Qorǵanys mınıstrligi 30153 áskerı bóliminiń materıaldy-tehnıkalyq qamtamasyz etý rotasy kúzet jáne qorǵaý atqysh-zenıttik vzvodynyń (atqysh-zenıtshi) sarbazy, kishi serjant J.qatardaǵy jaýynger A.-ǵa ózine qaraı kelýin buıyrǵan. Alaıda, buıryǵyn estimeı, kıim keptirý bólmesine kirip ketken qatardaǵy jaýyngerdi buıryǵymdy oryndamady dep túsingen kishi serjant kıim keptiretin bólmege kirip, jas sarbazdy sabaýǵa kirisedi. Nátıjesinde qatardaǵy jaýyngerdiń erni jyrtylyp, beti kógeredi.
Osy áreketi úshin jaýapqa tartylyp, Qylmystyq kodekstiń 451-babynyń 1-bóligimen aıyptalǵan kishi serjant J.-ǵa qatysty qylmystyq is qozǵaldy. Ony Aqtaý garnızony áskerı soty óndiriske qabyldady. Atalǵan tulǵaǵa qatysty qylmystyq is boıynsha basty sot talqylaýy 2015 jyldyń 4 aqpanǵa taǵaıyndaldy.
Gúlaıym Shyntemirqyzy.
Derek: egemen.kz.
Sýret: bnews.kz.