PETROPAVL. 29 qańtar. Petropavl qalasyndaǵy bazarlardyń birinen 44 jastaǵy áıeldiń óli denesi tabylyp, osy oqıǵaǵa baılanysty qylmystyq is qozǵaldy. Bul týraly oblystyq ishki ister departamentiniń baspasóz qyzmeti habarlady.
Marqumnyń ólimine kúıeýi kúdikti retinde tanylyp, qamaýǵa alyndy.
Qazir adam óltirý deregine qatysty tergeý amaldary júrgizilýde. Kúdikti saýdamen aınalysatyn áıelimen ursysyp, pyshaq jumsaǵanyn moıyndady. Ol ýaqytsha ustaý oqshaýlaǵyshqa qamalyp, Qylmystyq kodekstiń 99-baby boıynsha aıyp taǵyldy. «Naqty saraptamalar júrgizilip, istiń aq-qarasy anyqtalady», deıdi Petropavl qalalyq ishki ister basqarmasy tergeý bóliminiń basshysy Azat Qusaıynov.
Adam óltirý faktisi dáleldense, kúdikti 15 jylǵa deıin temir torǵa qamalýy múmkin.
О́mir Esqalı.
Derek: OIID-niń baspasóz qyzmeti.
Sýret: gazeta.kz.