«Jaıly mektep» ulttyq jobasy aıasynda Qostanaı oblysynyń Arqalyq, Jambyl oblysynyń Taraz qalasynda jaıly mektep ashyldy, dep jazady Egemen.kz.
Oqý-aǵartý mınıstrliginiń málimetinshe, Arqalyqtaǵy mektep 300 orynǵa laıyqtalǵan. Bul mektepte balalardyń boıynda zertteýshilik daǵdylaryn qalyptastyrý maqsatynda jabdyqtalǵan 26 oqý kabıneti bar. Mektepte oqýshylardyń IT-quzyrettiligin, ǵylymı jáne shyǵarmashylyq áleýetin qoldaý úshin zamanaýı robototehnıka kabınetteri, kompıýterlik synyptar jáne STEM-zerthanalary da jasaqtalǵan.Taraz qalasyndaǵy jaıly mektepte 1200 oqýshy bilim alady. Mektep ǵımaratynda májilis zaly, 60-qa jýyq oqý kabıneti, ashana, 2 sport zaly, 2 lıngafon kabıneti, 3 zerthana, kitaphana, kompıýter zaldary, sonymen qatar 3 sheberhana men 10 kovorkıng-ortalyq bar. Bul Jambyl oblysynda ashylyp otyrǵan ekinshi jaıly mektep. Aıta keteıik, jyl basynan beri elimizde 84 myń oqýshyǵa arnalǵan 32 jaıly mektep ashyldy.