Pavlodarlyq kólik júrgizýshisi qysqa ýaqyt ishinde 30-ǵa jýyq ret jol erejesin buzyp, nátıjesinde 2 mıllıon teńgeden asatyn aıyppulmen ustalǵan, dep habarlaıdy Egemen.kz Polisia.kz-ke silteme jasap.
Kóbinese júrgizýshi kóligin asa joǵary jyldamdyqpen aıdaǵan. Qazirgi tańda shetelde tirkelgen avtokólik mamandandyrylǵan aıyppul turaǵyna qoıylǵan.
«Qysqa merzim ishinde júrgizýshi jol erejesin shamamen 30 ret buzǵan. Aıyppuldardyń jalpy somasy 2 mıllıon teńgeden asyp tústi. Máselen, qazan aıynda júrgizýshi Omby tas jolynda jyldamdyq rejımin buzyp, eldi meken ishinde 60 km/saǵ shektelgen jyldamdyq ornyna 93 km/saǵ jyldamdyqpen júrgen», dep málimdedi Pavlodar oblysy PD ákimshilik polısııa basqarmasynyń bastyǵy Borıs Álimbaev.
Aıta keteıik, bıyl Pavlodarda aıyppul tólemegen 42 kólik ıesi ustalǵan. Qaryz ótelgennen keıin ǵana kólikter ıelerine qaıtarylǵan.