ASTANA. 30 qańtar. Qyzylorda oblysynyń kásipkerler palatasy jergilikti jáne respýblıkalyq memlekettik organdarmen usynylǵan normatıvtik-quqyqtyq aktilerdiń jobalaryn turaqty túrde talqylap keledi. Bul týraly oblystyq kásipkerler palatasynyń baspasóz qyzmeti habarlady.
Máselen, ótken jyly jergilikti atqarýshy organdardan túsken 100 normatıvtik-quqyqtyq aktiniń jobasy boıynsha kásipkerler palatasy usynystar men tolyqtyrýlardan turatyn 45 eksperttik qorytyndy berdi. Munymen qosa, ortalyq memlekettik organdar ázirlegen 15 normatıvtik-quqyqtyq akti boıynsha Ulttyq kásipkerler palatasyna usynystar joldanyp, nátıjesinde 3 joba boıynsha usynys qoldaý tapty.
Qyzylorda oblystyq kásipkerler palatasynyń bastamasymen qazirgi qoldanystaǵy 22 zań boıynsha usynys berilip, 6 normatıvtik-quqyqtyq aktilerge ózgerister engizildi.
Sondaı-aq, palata kásipkerlerden túsken ótinishter boıynsha problemalyq máselelerdiń reestrin qalyptastyryp, másele sheshilgenge deıin turaqty baqylaýǵa alady.
О́tken jyly munda 54 problemalyq máseleniń tizilimi qalyptastyrylyp, Ulttyq kásipkerler palatasyna joldandy. Onyń 14-i jergilikti, 40-y respýblıkalyq deńgeıdegi máseleler. Nátıjesinde jergilikti 10, respýblıkalyq deńgeıdegi 4 másele sheshildi jáne respýblıkalyq deńgeıdegi 25 másele boıynsha Ulttyq kásipkerler palatasy tarapynan tıisti túsindirme berilip, máseleler oń sheshimin tapty.
Joldybaı Bazar.
Derek, sýret: Qyzylorda oblystyq kásipkerler palatasynyń baspasóz qyzmeti.