ASTANA. 30 qańtar. Búgin qazaqstandyq boksshy Berik Ábdirahmanov AIBA Pro Boxing týrnıriniń 60 kıloǵa deıingi salmaqtaǵy chempıony atanyp, 2016 jyly Rıo-de-Janeıroda ótetin Olımpıada joldama aldy. Bul týraly egemen.kz tilshisi habarlady.
Bizdiń jerlesimiz bul kúni Astadaǵy «Dáýlet» sport kesheninde ózbekstandyq Hýrshıd Todjıbaev fınaldyq kezdesý ótkizdi. Tóreshiler segiz raýndtan quralǵan shaıqastyń jeteýinde Berikke jeńis berdi. Jalpy esep - 77:75, 77:75, 78:74.
Osylaısha Berik Ábdirahmanov Qazaqstan sportshylary qatarynan kelesi jylǵy Olımpııalyq oıyndarǵa joldama alǵan birinshi boksshy boldy.
Damır Qojamqul.
Derek: egemen.kz.
Foto: vesti.kz.