2024 jyldyń kúzinde iz-tússiz joǵalǵan Almaty oblysynyń turǵyny óli kúıinde tabyldy, dep habarlaıdy Egemen.kz.
Oqıǵanyń mán-jaıyn Lider.kz eriktileri Instagram-daǵy paraqshalarynda habarlady.
1994 jyly týǵan Hamıt Aısha Muratbekqyzy qarashanyń 26-sy kúni joǵalyp ketken. Bul kúni ol Eńbekshiqazaq aýdany, Qyrbaltabaı aýyly, Naýryz kóshesi, 6-úı mekenjaıy boıynsha úıinen shyǵyp ketken.
Erekshe belgileri: boıy 160 santımetr, dene bitimi aryq, shashy qara uzyn, kózi qońyr.
Ol qara qysqa kúrteshe men ashyq tústi hıdjab kıgen.
Eriktilerdiń aıtýynsha, áıel 30 qańtarda óli tabylǵan. Onyń neden qaza tapqany áli anyqtalmady.