7 aqpan kúni A.S. Pýshkın atyndaǵy Shyǵys Qazaqstan oblystyq kitaphanada elimizdegi alǵashqy kitaphanalyq neıro-assıstent – DosAI tanystyryldy. Innovasııalyq jobanyń tusaýkeserine aýdan jáne qala kitaphanashylary, IT mamandary, stýdentter men jańashyldyqqa jany qumar oqyrmandar qatysty.
DosAI – paıdalanýshylarǵa kitaphanalyq qyzmetti jańa deńgeıde usynatyn sıfrlyq kómekshi. Ol kitaphana oqyrmandaryna aqparattyq qoldaý kórsetip, qajetti ádebıetterdi tańdaýǵa kómektesedi, kitaphana resýrstary týraly jyldam ári naqty málimet beredi.
Is-sharada joba ázirleýshisi kitaphananyń belsendi volonteri ári tájirıbeden ótýshi, О́skemen ekonomıka jáne tehnıka kolledjiniń stýdenti Denıs Kýshnarev jınalǵan qaýymdy neıro-assıstenttiń jumysymen tolyq tanystyrdy.
Qatysýshylar DosAI-dyń múmkindikterin ózderi baıqap kórip, kitaphana keńesshileriniń kómegimen testileýden ótkizdi. Neıro-assıstenttiń tıimdiligi men qolaılylyǵyna kóz jetkizgen qonaqtar jańa tehnologııanyń kitaphana qyzmetin zamanaýı ári qoljetimdi etýdegi mańyzyn erekshe atap ótti.
DosAI – kitaphana oqyrmandarynyń senimdi kómekshisi7 Sıfrlyq assıstent A.S. Pýshkın atyndaǵy oblystyq kitaphananyń negizgi saıtyna (www.pushkinlibrary.kz) biriktirilgen. DosAI kitaphanaǵa kelýshilerge:
Kitaphana jumysynyń tártibi jaıly aqparat beredi. Oqyrman bıletin alý joldaryn túsindiredi. О́tetin is-sharalar men kórmeler týraly habarlaıdy. Úıirmeler men klýbtardyń qyzmeti jaıly aqparat beredi. О́lketaný baǵytyndaǵy materıaldardy izdeýge kómektesedi. Oqyrman talǵamyn saralap, kitap tańdaýǵa járdemdesý sııaqty kóptegen qyzmet túrlerin usynady.A.S. Pýshkın atyndaǵy oblystyq kitaphana dırektory Nazym Ernazarqyzy jańa júıeniń múmkindikterine erekshe toqtaldy.
«Kitaphananyń neıro-assıstenti oqyrmandarymyz úshin taptyrmas kómekshi bolmaq. Bul – paıdalanýshylarmen ózara baılanysty barynsha yńǵaıly ári tıimdi etip, kitaphana resýrstaryna qoljetimdilikti arttyrýǵa múmkindik beretin ınnovasııalyq qural. DosAI elektrondyq katalogtar men aqparattyq resýrstardy ilgeriletýde mańyzdy ról atqarady», dedi Nazym Ernazarqyzy.
DosAI – Qazaqstandaǵy kitaphanalyq qyzmetti sıfrlandyrýdaǵy mańyzdy qadam. Bul júıe oqyrmandardyń izdegen aqparatyn ońaı ári jyldam tabýyna kómektesip, kitaphananyń múmkindikterin barynsha tıimdi paıdalanýǵa jaǵdaı jasaıdy.