Qazaqstan Respýblıkasy Parlamenti Májilisiniń jalpy otyrysynda depýtat Magerram Magerramov áriptesi Irına Smırnovanyń sheteldik agentter týraly zań qabyldaý týraly usynysyna baılanysty týyndaǵan narazylyqqa qatysty pikir bildirdi, dep habarlaıdy Egemen.kz.
Májilistegi jalpy otyrys barysynda Magerramov málimdeme jasady. Ol ótken aptada onyń áriptesi depýtat Irına Smırnova Qazaqstandaǵy sheteldik agentter týraly zań qabyldaý jóninde bastama kótergenin eske saldy. Magerram Magerramovtyń aıtýynsha, osylaısha depýtattar sheteldik úkimettik emes uıymdardyń jumysynda ashyqtyqqa qol jetkizgisi kelgen.
Depýtat mundaı zańdardyń AQSh, Fransııa, Avstralııa jáne basqa da elderde burynnan bar ekenin atap ótti. Májilismenniń aıtýynsha, Parlamentshilerdiń bastamasy jaýapty patrıot azamattardyń keń aýqymynyń qoldaýyna ıe boldy. Biraq keıbir adamdarda bul usynys «óte agressıvti reaksııa» týdyrdy.
«Depýtatqa qatysty jala jabý, ashyq qorlaý jáne qorqytýdyń josparly taralýy bastaldy. Bul qýdalaýdy uıymdastyrýshylar uzaq ýaqyt boıy USAID jáne olardyń proksı-qurylymdary sııaqty sheteldik uıymdardan qarjylandyrýdy alǵan, múmkin qazir de alatyndardyń qatarynda boldy. Bul rette shet memleketterden de tikeleı alynýy múmkin. Shyn máninde, aqparattyq keńistik arqyly biz qysymnyń ashyq kórinisine jáne eldiń joǵarǵy ókildi organynyń ókiline jala jabý áreketine tap boldyq», dedi Magerram Magerramov.
«Bul óz maqsatyn kózdep otyrǵan «sheteldik demeýshilerdiń tapsyrysy ma?», degen suraq qoıdy depýtat.
«Eger biz áriptesterimizge sheteldik ınoagenttiń barlyq túrlerimen osylaı jasaýǵa múmkindik bersek, onda bul prınsıpter tek bizdiń jaqsy nıetimiz bolyp qala beredi. Sonymen qatar, biz quzyretti organdardy zań men quqyqtyq tártip qaǵıdattaryn buzýdyń barlyq áreketterin úzildi-kesildi toqtatýǵa shaqyramyz. Qazaqstan Halyq partııasy sot tártibimen ádildikke umtylatyn bolady, Májilis depýtaty Irına Smırnovanyń atyna jasalǵan qorlaý jazasyz qalmaıdy», dedi depýtat.
Aıta keteıik, 12 aqpanda Májiliste Irına Smırnova Qazaqstandaǵy sheteldik úkimettik emes uıymdardyń (ÚEU) qyzmetine alańdaýshylyq bildirip, sheteldik agentter týraly zań qabyldaýdy usynǵan edi.