Bul týraly OKQ alańynda ótken dóńgelek ústel barysynda «Daryn» respýblıkalyq ǵylymı-praktıkalyq ortalyǵynyń dırektory Gajdembek Tursynov málimdedi, dep habarlaıdy Egemen.kz.
Ekinshi jyl qatarynan aýyl mektepteriniń oqýshylaryna arnalǵan respýblıkalyq pándik olımpıada ótkizilip keledi. 2024 jyly mektepishilik kezeńde 113 myńnan astam oqýshy tirkeldi, bul 2023 jylmen salystyrǵanda 35 myńǵa artyq.
«Onyń qorytyndysy boıynsha júldeli oryndarǵa ıe bolǵan aýyl oqýshylarynyń sany 10 esege artty. Aýyl mektepteriniń oqýshylaryn zııatkerlik olımpıadalar men konkýrstarǵa daıyndaý úshin «Daryn» onlaın mektebi iske qosyldy. Qazir onda II respýblıkalyq aýyldyq olımpıadanyń 1 myńǵa jýyq fınalısi bilimderin jetildirip jatyr», dep atap ótti G.Tursynov.