Aqtaý qalasynyń ákimdigi 192 jerasty qoqys konteınerin satyp alýǵa 1 mıllıard teńgebólýdi josparlap otyr, dep habarlaıdy Egemen.kz.
Sheneýnikterdiń aıtýynsha, teńiz jaǵalaýyndaǵy turaqty jel ýaqtyly jınalmaǵan qoqysty ushyryp, qalanyń tazalyǵyna keri áser etedi. Bul máseleni túbegeıli sheshý úshin ákimdik jerasty konteınerlerinornatpaq.
KTK jazǵandaı, qala bıligi byltyr 10 jerasty qoqys jáshigin synaq retinde ornatyp, olardyń tıimdiligin teksergen. Bıyl ár danasy 4,5 mıllıon teńge turatyn 192 konteıner satyp alý josparlanyp otyr.
«Bıyl 192 jerasty konteınerin satyp alý boıynsha konkýrs júrgizilýde. Bul 192 orynǵa ornatylady. Jalpy alǵanda, ár núktede 3 konteınerden bolatyndyqtan, barlyǵy 576 konteıner qarastyrylǵan. Burynǵy konteınerlerdiń kólemi 1,75 tekshe metr bolsa, jańalary 1 tekshe metr bolǵanymen, ishki syıymdylyǵy úlkenirek», – dedi Aqtaý qalalyq kommýnaldyq sharýashylyq bóliminiń orynbasary Baqtııar Maqsatov.
Ákimdik bul júıe qalanyń tazalyǵy men ekologııalyq jaǵdaıyn jaqsartýǵa kómektesedi dep sendiredi.