Dzıýdo sheberi Ábıba Ábýjaqynova Aýstrııada ótip jatqan Gran-prı jarysynda chempıon atandy. Qazaqstan dzıýdo federasııasy baspasóz qyzmetiniń habarlaýynsha, ol fınalda japonııalyq Sachıo Ioshınomen beldesip, aıqyn basymdyqpen jeńiske jetti.
Áıelder arasynda 48 kıloǵa deıingi salmaq dárejesinde beldesken jerlesimiz irikteý kezeńinde Mızýkı Haradany (Japonııa), shırek fınalda Sprınger Jaklındi (Aýstrııa), al jartylaı fınalda Amber Hersesti (Nıderland) utty.
Bul – Ábıba Ábýjaqynovanyń jańa maýsymdaǵy alǵashqy jarysy ári alǵashqy altyny. Buǵan deıin ol Úlken dýlyǵa týrnıriniń 4 dúrkin qola júldegeri, 2023 jyly Portýgalııada ótken Gran-prı jarysynda top jarǵan bolatyn. Sonymen qatar jerlesimiz buǵan deıin álem chempıonaty men Azııa oıyndarynan qola júlde oljalaǵan edi. Qorjynynda qurlyq dodasynyń kúmisi men qola medali de bar.
Aýstrııada dzıýdodan ótip jatqan Gran-prı kezeńine álemniń 52 elinen 416 balýan qatysyp jatyr.