О́tken senbide Almaty oblysynda «Taza Qazaqstan» respýblıkalyq ekologııalyq aksııasy kezinde keń aýqymdy jalpy oblystyq senbilik uıymdastyryldy, dep jazady Egemen.kz.
Bul shara óńir turǵyndarynyń ekologııalyq mádenıetin arttyrýǵa, tazalyq pen tártipti saqtaýǵa baǵyttaldy.
Senbilikke barlyǵy 31 907 adam, sondaı-aq 3 835 kásiporyn men uıym belsene qatysty. Qoǵamdyq tártip pen qorshaǵan ortany qorǵaý maqsatynda júrgizilgen jumystar nátıjesinde 1 055 tonna qoqys shyǵarylyp, 330 arnaıy tehnıka jumyldyryldy.
Osy kúni óńir aýmaǵynda 8 799 túp aǵash otyrǵyzylyp, kógaldandyrý jáne abattandyrý jumystary qarqyn aldy. Sonymen qatar, 14 538 kóppáterli jáne jeke turǵyn úılerdiń aýlalary tazartylyp, 101 tarıhı-mádenı eskertkishter men 316 áleýmettik nysandardyń aýmaǵy retke keltirildi.
Senbilik barysynda óńirdegi 30 ózen, kól jáne sý aıdyndarynyń jaǵalaýy qoqystan tazartylyp, tabıǵı aýmaqtardyń tazalyǵyn saqtaý boıynsha aýqymdy jumys atqaryldy.
Bul shara — turǵyndardyń qorshaǵan ortaǵa degen jaýapkershiligin arttyrýmen qatar, ekologııalyq jaǵdaıdy jaqsartýǵa baǵyttalǵan mańyzdy qadamdardyń biri. «Taza Qazaqstan» aksııasy jalǵasyn taýyp, óńirdegi ekologııalyq ahýaldy jaqsartýǵa óz úlesin qosa bermek.