QR Parlamenti Májilisiniń otyrysynda jańa Salyq kodeksiniń jobasy birinshi oqylymda qaralyp jatyr. Bul týraly vıse-premer – ulttyq ekonomıka mınıstri Serik Jumanǵarın habarlady, dep jazady Egemen.kz.
Serik Jumanǵarınniń aıtýynsha, bıznes-qoǵamdastyqpen jáne depýtattyq korpýspen talqylaýdan keıin ortaq tásilderdi tabýǵa múmkindik týdy.
«QQS 16%-ǵa teń bolady. QQS shegi 40 mln teńge mólsherinde belgilenedi. 40 mln teńge – biz qol jetkizgen ortaq baılam kórinisi. Biraq mundaı shek bolǵan jaǵdaıda 160 myń jańa salyq tóleýshiden aıyrylyp, 400 mlrd-qa jýyq qosymsha kiristen aıyrylyp jatqanymyzdy aıtqym keledi. Muny aıtyp otyrǵan sebebim, bizdiń kásipkerler, Úkimet pen Parlament osyndaı ymyraǵa kelýge daıyn ekenin túsinýi kerek», dep atap ótti vıse-premer.
Sondaı-aq vıse-premer endi JK qurý da qatańdatylatynyn aıtty.
«Bizde tıisti normalar daıyn – buryn zań buzýshylyqa jol bergender, qosymsha áreketsiz jeke kásipkerligi bar adamdar úshin – ashyq jańa JK ashý kúrdeli prosess bolady», dep atap ótti vıse-premer.