Elimizde jeke kýálikti eGov portalynda nemese mobıldi qosymshada rásimdeýge bolady, dep jazady Egemen.kz.
Qazaqstanda jeke kýálikti onlaın formatta rásimdeýge múmkindik beretin pılottyq joba iske qosyldy. Bul týraly Ishki ister mınıstrligi men Sıfrlyq damý, ınnovasııalar jáne aeroǵarysh ónerkásibi mınıstrliginiń birlesken buıryǵynda habarlandy.
Joba memlekettik qyzmet kórsetýdi tıimdi etý maqsatynda ázirlendi. Endi azamattar jaramdylyq merzimi aıaqtalǵan jeke kýálikterin elektrondyq úkimet portaly (eGov.kz) nemese eGov Mobile qosymshasy arqyly jańarta alady.
Onlaın rásimdeý tártibi:
ESQ arqyly ótinish berý: eGov portalynda nemese mobıldi qosymshada elektrondyq sıfrlyq qoltańba (ESQ) arqyly ótinish toltyryp, qol qoıý qajet. Fotosýret júkteý: Qajetti formattaǵy fotosýretti túsirip, ótinishke tirkeý kerek. Málimetterdi tekserý: Júıe ótinishti tirkegen soń, derekterdiń durystyǵyn, burynǵy kýáliktiń merzimin jáne fotosýrettiń sáıkestigin avtomatty túrde tekseredi. Memlekettik bajdy tóleý: О́tinish qabyldanǵan soń zańda belgilengen memlekettik baj tólenedi. Qujatty alý: Daıyn jeke kýálikti HQKO-dan nemese basqa belgilengen orynnan alýǵa bolady.Bul sıfrlandyrý aıasyndaǵy jańa qyzmet azamattarǵa ýaqyt únemdeýge jáne qaǵazbastylyqty azaıtýǵa múmkindik beredi.
Janel TО́LEÝBEKOVA, EUÝ stýdenti