Shymkent qalasynyń mektep túlegi Bergeı О́mirbaı sheteldiń 47 ýnıversıtetinen bilim alýǵa resmı shaqyrtý aldy. Jalpy usynylǵan bilim granttarynyń somasy 1 mıllıon AQSh dollaryna jýyq, dep habarlaıdy Egemen.kz.
О́mirbaı Bergeı «Jalyn» mektebiniń 11-synyp túlegi. Ol «Qarjy» mamandyǵy boıynsha sheteldik joǵary oqý oryndarynyń qyzyǵýshylyǵyn týdyrǵan sanaýly talapkerlerdiń biri bolǵan. Shaqyrtý alǵan ýnıversıtetterdiń basym bóligi AQSh-ta ornalasqan, sondaı-aq olardyń qatarynda Malaızııadaǵy Xiamen University halyqaralyq kampýsy da bar.
Shaqyrtý jibergen bedeldi oqý oryndarynyń arasynda Drexel University, DePaul University, Loyola University New Orleans, Montclair State University, Florida Southern College, University of Colorado Boulder jáne taǵy basqa ondaǵan ýnıversıtetter bar. Shymkent qalalyq bilim basqarmasynyń málimetinshe, usynylǵan stıpendııalardyń jalpy quny 979 000 AQSh dollardy quraǵan.
Aıta keteıik, О́mirbaı Bergeı SAT emtıhanynan 1290 ball, al IELTS testinen 6.5 ball jınaǵan. Sonymen qatar ol túrik jáne qytaı tilderin erkin meńgergen.