Astana qalasynda 2025-2026 oqý jylynda birinshi synypqa shamamen 31 myń oqýshy qabyldanady. Bul týraly elordanyń Kommýnıkasııalar qyzmetindegi brıfıngte qalalyq Bilim basqarmasy basshysynyń orynbasary Marjangúl Qaıyrbaeva málimdedi, dep jazady Egemen.kz.
Onyń aıtýynsha, qazirdiń ózinde 30 057 bala 1-synypqa tirkelgen. Sonyń ishinde 26 666 oqýshy memlekettik mektepterge, al 3 190-y jekemenshik mektepterge qabyldanǵan.
Qalada bıyl 206 orta bilim berý uıymy jumys isteıdi: 122-si memlekettik, 77-si jekemenshik, 7-eýi respýblıkalyq.
Bıyl elordalyq mektepterde barlyǵy 310 myńnan astam oqýshy oqıdy dep josparlanyp otyr. О́tken oqý jylynda bul kórsetkish 288 myń bolǵan, onyń ishinde 28 myńǵa jýyq bala birinshi synypqa barǵan.
Áleýmettik qoldaý sharalary da jalǵasyp jatyr. 30 qyrkúıekke deıin áleýmettik osal sanattaǵy otbasylardyń balalaryna mektep kerek-jaraqtaryna 46 myń teńge kóleminde kómek beriledi. 2 tamyzdan bastalǵan «Mektepke jol» aksııasy aıasynda 8,5 myńnan astam bala demeýshiler esebinen qajetti zattarmen qamtamasyz etildi.