Almaty oblysynyń Ile aýdanynda metall qabyldaý beketteriniń birinde qaıǵyly jaǵdaı oryn aldy, dep habarlaıdy Egemen.kz.
Oblystyq polısııanyń baspasóz qyzmetinen habarlaǵandaı, qazir qylmystyq is qozǵaldy. Belgisiz zattyń jarylýy saldarynan úsh adam qaza tapty.
«Oqıǵa ornyna dereý tótenshe jaǵdaılar qyzmeti: polısııa, órt sóndirýshiler jáne jedel járdem qyzmeti jetti. Qazirgi ýaqytta sotqa deıingi tergeý amaldary júrgizilip jatyr», dep habarlady vedomstvodan.
Oqıǵanyń sebepteri men mán-jaıy anyqtalyp jatyr. Barlyq tergeý áreketteri zańǵa sáıkes qatań túrde júrgiziledi.