«Qazposhta» osy aptada merzimdi basylymdarǵa jazylý bastalǵanyn habarlady. Oqyrmandar 2026 jyly 3 myń gazet pen jýrnalǵa jazyla alady. Internet-resýrstardyń damýyna qaramastan, baspasóz basylymdary áli de qoǵamdyq pikir men ulttyq qundylyqtardy qalyptastyratyn senimdi aqparat kózi bolyp qala beredi. Jazylym naýqany aıasynda «Qazposhta» aksıonerlik qoǵamy «Balalarǵa syılyq jasa: gazet pen jýrnaldarǵa jazyl» atty áleýmettik jobany júzege asyrmaq. Bul joba turmystyń qıyndyǵyna tap bolǵan balalardy tanymdyq basylymdarmen qamtamasyz etýge baǵyttalǵan.
Poshta servısi jáne memlekettik qyzmet kórsetý jónindegi basqarýshy dırektor Baǵlan Orazbaı baspa basylymdarynyń mańyzdylyǵyn jáne olardy jetkizýdegi «Qazposhtanyń» rólin atap ótti. Kún saıyn suryptaý ýchaskeleri arqyly myńdaǵan dana basylym qattalyp, eń shalǵaı aýyldarǵa jetkiziledi.
Jazylym merzimi respýblıkalyq basylymdarǵa 2025 jylǵy 25 jeltoqsanǵa deıin, sheteldik basylymdarǵa 2025 jylǵy 10 jeltoqsanǵa deıin jalǵasady. Jazylýdy www.qazpost.kz saıtynda nemese Qazpost mobıldi qosymshasynda ońaı ári jyldam rásimdeýge bolady. 2026 jylǵa arnalǵan gazet-jýrnaldar katalogy https://qazpost.kz/ru/help/tariffs?tab=pochtovye-uslugi siltemesinde ornalastyrylǵan.
Barlyq qajetti aqparat qazpost.kz saıtynda, «Qazposhta» AQ-nyń áleýmettik jelilerindegi resmı akkaýnttarynda ornalastyrylǵan. Tolyǵyraq «Qazposhta» AQ Baılanys ortalyǵynyń 1499 telefony arqyly bilýge bolady.