Atalǵan óńirde «Qaraǵantúbek» seriktestigi jalpy quny – 600 mln teńgeni quraıtyn, túıe sútin saýyp ári óńdeıtin jańa sehty iske qosyp otyr. Kásiporynnyń óndiristik qýaty táýligine 400 tonna túıe sútin óńdeýge múmkindik beredi, dep jazady Egemen.kz.
Basty artyqshylyǵy – saýý prosesiniń tolyq avtomattandyrylǵan tehnologııasyn qoldanýy, bul – ónimniń sapasyn jáne gıgıenalyq talaptardyń joǵary deńgeıde saqtalýyn qamtamasyz etedi.
Qondyrǵylar Germanııadan ákelingen jáne zamanaýı halyqaralyq azyq-túlik ónerkásibi standarttaryna tolyq sáıkes keledi.
Aımaqtyń klımattyq erekshelikteri men sý tapshylyǵyn eskere otyryp, kásiporyn ózine qajetti sýdy derbes júıe arqyly qamtamasyz etedi. О́ndiristik maqsatta 150 metr tereńdikte uńǵyma burǵylanǵan, al alynǵan sý kóp satyly súzý jáne tazartý júıesinen ótedi.