Qoǵamda kózge kórinbeı eńbek etip júrgen, biraq el damýyna ólsheýsiz úles qosyp kele jatqan azamattar az emes. Solardyń eńbegin elge tanytý, qoǵam aldynda baǵalaý – úlken jaýapkershilik. Osy baǵytta sońǵy jyldary júıeli jumys júrgizip kele jatqandardyń biri – Dınara Berdimurat.
Dınara Berdimurattyń bastamasymen elimizde «El janashyry», «Ult janashyry», «Batyr shapaǵaty» tósbelgileri men «Altyn júrek» qaıyrymdylyq isterimen aınalysatyn mesenat tulǵalarǵa arnalǵan birqatar qoǵamdyq marapattaý sharalary uıymdastyrylyp keledi. Bul marapattar tek ataq úshin emes, elge adal qyzmet etip júrgen tulǵalardyń eńbegin ádil baǵalaýǵa, olardyń qoǵam aldyndaǵy rólin aıqyndaýǵa baǵyttalǵan. 2021- jyldan beri elimizdiń túpkir túpkirinen elimizdiń damýyna talmaı qyzmet etip, halyqqa janashyr bolyp júrgen jandardyń eńbekterin baqylap, olardyń eńbekterin marapattap, elegen de osy Dınara bolatyn.
Atalǵan marapattarǵa ǵylym, bilim, mádenıet, medısına, kásipkerlik, sport jáne áleýmettik salada elge qyzmet etken azamattar ıe bolyp júr. Ásirese, aımaqtarda únsiz eńbek etip júrgen jandardyń eńbegin elge tanytý – Dınara Berdimurat qolǵa alǵan bastamalardyń basty ereksheligi.
Onyń taǵy bir aýqymdy jobasy – «300 qaıratker» ensıklopedııasynyń jaryq kórýi. Bul eńbek táýelsiz Qazaqstannyń damýyna ár salada úles qosqan tulǵalardyń ómir joly men qyzmetin júıelep, bir jınaqqa toptastyrǵan mańyzdy basylym sanalady. Ensıklopedııa – keıingi urpaqqa úlgi, tarıhı jadyny jańǵyrtatyn qundy derekkóz. О́ziniń de eńbegi elenip osy eńbekteri úshin Prezıdenttiń alǵys haty men tósbelgisin ıelendi.
Dınara Berdimurat úshin marapattaý – tek saltanatty rásim emes, ol – qoǵamdaǵy ádildikti qalyptastyrý, eńbekti qadirleý mádenıetin damytý quraly. Onyń jobalary halyqtyń yntymaǵyn arttyryp, elge qyzmet etýdiń abyroı ekenin uǵyndyrady. Jaqynda Qazaqstan týraly úlken taǵy bir ensıklopedııasyn aıaqtady. El ishindegi eleýsiz tulǵalardyń eńbegin jarqyratyp kórsetip, odan qaldy ensıklopedııa betine taqtap jınap júrgen Dınara qoǵamnyń osyndaı tulǵalaryn pash etýdi ózine paryz sanap alǵandaı. Qazaq, orys, túrik jáne aǵylshyn tilderinde erkin sóıleıtin ol búginde keıbir kitaptady aǵylshyn tiline aýdarýmen de aınalysyp júr. Dınara Berdimuratqyzynyń qazaq tiline degen janashyrlyǵy bir tóbe. Qazaq tilinde balalarǵa arnalǵan kitap shyǵaryp, qazaq tildi balabaqsha ashýy sonyń aıǵaǵy.
Qoǵamda mundaı bastamalar kóbeıgen saıyn, elge shyn janashyr azamattardyń eńbegi eleýsiz qalmaıdy. Osy turǵydan alǵanda, Dınara Berdimurattyń atqaryp júrgen isi – búgingi kúnniń ǵana emes, bolashaqtyń da rýhanı suranysyna jaýap beretin mańyzdy eńbek.