Osy kúni eń kóp taraǵan sport túriniń biregeıi – fýtbol. Dop dodasyndaǵy bir sáttik serpilistiń ózi tarıhta qalatyn kezder bolady. Sonyń aıqyn dáleli – 2015 jylǵy 22 qyrkúıekte bolǵan oıyn.
Sol kúni Germanııanyń basty fýtbol birinshiliginde, ıaǵnı Býndeslıgada «Bavarııa» óz alańynda «Volfsbýrgti» qabyldady. Alǵashqy taımda qonaqtar esep ashyp, «Bavarııa» jankúıerlerin alańdatqandaı bolǵan. Biraq ekinshi taım bastalǵanda alańǵa shyqqan Robert Levandovskı bárin tańǵaldyrdy. Polıak shabýylshysy 51-mınýttan 60-mınýtqa deıingi aralyqta, ıaǵnı nebári toǵyz mınýtqa jetpeıtin ýaqytta qarsylas qaqpasyna 5 gol soqty. Bir oıynnyń ishinde mundaı kórsetkishtiń ózi sırek, al ony qysqa ýaqytta qaıtalaý tipti ǵajap. Nátıjesinde, match 5:1 esebimen aıaqtalyp, Levandovskıdiń bul rekordy Býndeslıga tarıhyndaǵy eń este qalar sátterdiń birine aınaldy.