Konstıtýsııalyq komıssııanyń besinshi otyrysynda Qazaqstan Respýblıkasynyń Ádilet mınıstri Erlan Sársembaev Konstıtýsııalyq úlgini keshendi jańartý qajettigin atap ótip, eldiń Ata Zańyna túzetýler engizý boıynsha túıindi usynystar jasady, dep habarlaıdy Egemen.kz.
Ol azamattardyń quqyqtaryn qorǵaý kepildikterin, sonyń ishinde kinásizdik prezýmpsııasy, bir quqyq buzýshylyq úshin qaıta jaýapqa tartýdyń múmkin emestigin jáne óziniń kinásizdigin dáleldeýden bosatý qaǵıdattaryn kúsheıtýge baǵyttalǵan 16-1-baptyń jańa redaksııasynyń mańyzdylyǵyn atap ótti.
«Konstıtýsııa eń joǵary zańdyq kúshke ıe. Eń aldymen, azamattyń negizgi quqyqtary men bostandyqtaryn bekitip, olardyń kepildikterin belgileýi tıis», dedi Sársembaev.
Sonymen qatar, mınıstr túzetýler qoldanystaǵy Konstıtýsııa mátininiń 80%-dan astamyn qamtıtyndyqtan, Ata zańnyń jańa redaksııasyn qabyldaýdy talap etetinin atap kórsetti.
«Sóz shashyrańqy túzetýler jóninde emes, basty jarııa-quqyq aktisiniń irgesin tolyqtaı qaıta qaraý áreketi jóninde ekenin aıta ketý kerek», dedi Erlan Sársembaev.
Ata Zańǵa strategııalyq baǵdar: Ǵylymı erkindik Konstıtýsııa deńgeıinde bekitilýi múmkin