ASTANA. 25 aqpan. Chehııanyń shyǵysyndaǵy Ýgerskı-Brod qalasynda belgisiz bireý restoranda kelýshilerge qaraı oq jaýdyrdy. Osy atysta 8 adam qurban boldy. Atýshynyń ózi de qaza tapqan. Bul týraly «Frans Press» habarlady.
Aldyn ala aqpar boıynsha, qaskúıdiń ózin polısııa qyzmetkeri atyp túsirgen.
Radio Praha qandy oqıǵanyń Družba pabynda (syrahana) oryn alǵanyn málim etti. Kórgenderdiń aıtýlarynsha, oq atqan adamnyń jasy 60-tar shamsynda bolǵan. Atys bastalǵan kezde mekeme zalynda 20-25 adam otyrǵan.
Oq atýshylyqtyń sebebi anyqtalǵan joq. Reuters agenttigi oq jaýdyrǵan kisiniń psıhıkasynda aýytqýshylyq bar ekenin baıandaıdy.
Qurysh Nurymbet.