ASTANA. 25 aqpan. Evrochellendj týrnıri aıasynda «Astana» basketbol komandasy óz alańynda belgııalyq «Okapı Allstardy» 77:73 esebimen jeńdi. Bul týraly egemen.kz habarlady.
Qańtar aıynyń sońynda Belgııada ótken oıynda «Okapı Allstar» astanalyqtardy 108:85 esebimen oısyrata jeńgen edi. Sondyqtan bul oıynda qazaqstandyq komanda ese qaıtarý úshin aıanyp qalmady. Alǵashqy kezeń 20:13 esebimen astanalyqtardyń paıdasyna aıaqtaldy. Teń jaǵdaıda órbigen kelesi kezeńde de «Astana» bir upaı basymdyǵymen jeńiske jetti (22:21). Nátıjesinde, qos kezeń qorytyndysy boıynsha alań ıeleri 42:34 esebimen alǵa shyqty. Úshinshi kezeńde «Astana» 18 upaı jınasa, belgııalyqtar 16 upaımen jaýap qaıtardy. Al sońǵy sheshýshi kezeńde qonaqtardyń qarqyny kúshti boldy. Desek te, olar 23:17 esebimen kezeńdi óz paıdalaryna aıaqtaǵanymen, jalpyesepte ese jiberýge májbúr boldy.
Osylaısha «Astana» týrnırdiń toptyq kezeńinde ótkizgen alty oıynnan 9 upaı jınady. Alaıda, bul kórsetkish Ramýnas Býtaýtas jattyqtyratyn komandaǵa saıystyń pleı-off kezeńine shyǵý úshin jetkiliksiz boldy. Sebebi, sońǵy týrda toptaǵy basty qarsylasymyz ıtalııalyq «Brındızı» komandasy da jeńiske jetip, 9 upaı oljalady. Italııalyqtar syrt alańda Rýmynııanyń «Energııa Rovınarı» komandasynan 78:67 esebimen basym túsken edi. Nátıjesinde, dop aıyrmasy boıynsha «Brındızı» ekinshi orynǵa taban tirep, kelesi kezeńge beriler joldamaǵa ıe boldy. Birinshi orynǵa 6 oıynnan 10 upaı jıǵan rýmynııalyq komanda jaıǵasty. Al «I» tobynda úshinshi oryn alǵan «Astana» jarysty aıaqtaýǵa májbúr boldy.
Elaman Qońyr.
Derek: egemen.kz.
Sýret: bcastana.kz.