Sheteldegi ýchaskelerdiń ashylýy týraly Syrtqy ister mınıstriniń orynbasary Arman Isetovtiń habarlamasy Ortalyq saılaý komısssııasynyń resmı saıtynda jarııalandy, dep habarlaıdy Egemen.kz.
Referendým kezinde 54 elde ornalasqan 71 referendým ýchaskesi jumys atqaratyn bolady.
Áskerı-saıası jaǵdaıdyń shıelenisýine oraı jáne azamattarymyz sanynyń tómen bolýyna baılanysty, 10 eldegi 11 ýchaske ashylmaıdy (Iran, Izraıl, Iordanııa, Qatar, BAÁ (2 ýchaske), Oman, Lıvan, Kýveıt, Ýkraına jáne Efıopııa).
Sheteldegi daýys beretin Qazaqstan azamattarynyń jalpy sany 14 380 adamdy qurady.
Referendým ýchaskelerinde daýys berý Astana ýaqytymen tańǵy saǵat 03:00-de Tokıo jáne Seýl qalalarynda bastaldy. 08:00-ge deıin jalpy 23 referendým ýchaskesi ashylyp, olarǵa kelip daýys bergender sany 198 adamdy qurady.
Erlan Qarın: Qazaqstandyqtar el bolashaǵyn tańdaý týraly sheshim qabyldaýda
Eń sońǵy ashylyp, jabylatyn referendým ýchaskesi AQSh-tyń San-Fransısko qalasynda ornalasqan. Bul ýchaske Astana ýaqytymen búgin saǵat 19:00-de ashylady jáne 16 naýryzda saǵat 08:00-de jabylady.
Daýys bergenderdiń sany boıynsha aqparat túske deıin ár 2 saǵat saıyn, al tústen keıin ár saǵat saıyn jańartylyp turady.
Májilis tóraǵasy Erlan Qoshanov respýblıkalyq referendýmda daýys berdi