Keshe Premer-Mınıstrdiń orynbasary Berdibek Saparbaev qyzylshaǵa qarsy jappaı vaksınalaý bastalǵannan keıin respýblıkada týyndaǵan jaǵdaı boıynsha selektorlyq keńes ótkizdi, dep habarlady Premer-Mınıstrdiń baspasóz qyzmeti.
Belgili bolǵandaı, týyndaǵan epıdemıologııalyq jaǵdaıdy eskere otyryp, 15-19 jas aralyǵyndaǵy adamdardy qosymsha ımmýndaý úshin qyzylsha monovaksınasynyń 1 mln. dozasy satyp alynǵan. 15-19 jas aralyǵyndaǵy jas erekshelik toptaryn irikteý qyzylshaǵa sezimtaldyǵy bar jasóspirimder arasynda joǵary kórsetkishpen baılanysty bolǵan.
2015 jylǵy 19 aqpandaǵy jaǵdaı boıynsha respýblıkada vaksınalaýǵa jatatyn 881myń balanyń 59,4%-y ekpe aldy. 2015 jylǵy 24 aqpandaǵy ahýal boıynsha medısınalyq kómekke 185 adam júgingen, ol vaksına alǵandardyń jalpy sanynan 0,03 %-dy quraıdy. Júgingen balalardy qarap-tekserý nátıjeleri boıynsha balalardyń shaǵymdarynyń basym bóligi balalar organızminiń vaksına engizýge jeke sezimtaldyǵymen baılanysty ekeni belgili boldy.
Balalarǵa medısınalyq kómek tolyq kólemde kórsetiledi, qajettiligine qaraı olardy dınamıkalyq baıqaý úshin stasıonarǵa emdeýge jatqyzý júzege asyrylýda. Qazirgi sátte qyzylshaǵa qarsy vaksınalaý respýblıka boıynsha toqtatyldy.
Keńes qorytyndysy boıynsha B.Saparbaev vaksınaǵa sapaly saraptama júrgizilýin, sondaı-aq jappaı vaksınalaý kezinde jáne vaksınalaýdan keıingi áserler sebepterin belgileý boıynsha talaptardyń saqtalýyna tekserý júrgizý bóliginde óńirlik komıssııalar qyzmetin úılestirý jónindegi respýblıkalyq jumys tobynyń qurylýyn qamtamasyz etýdi tapsyrdy. Sonymen qatar, vıse-premer Ulttyq ekpe kúntizbesine sáıkes odan ári ımmýndaýdyń júrgizilýine baqylaýdy kúsheıtýdi mindettedi.