Mańǵystaý oblysynda búgin 261 referendým ýchaskesi óz jumysyn bastady. Onyń ishinde 12-si – jabyq ýchaske. Barlyq ýchaskeler jergilikti ýaqyt boıynsha saǵat 07:00-de ashylyp, keshki 20:00-ge deıin jumys isteıdi, dep habarlaıdy Egemen.kz.
О́ńir boıynsha referendýmǵa qatysýǵa quqyǵy bar azamattardyń jalpy sany 444 198 adamdy quraıdy.
Referendýmǵa qatysýshylar úshin yńǵaıly ári qoljetimdi daýys berý maqsatynda barlyq qajetti jaǵdaı jasalǵan. Ýchaskelerde daýys berý prosesi zań talaptaryna sáıkes ashyq ári aıqyn uıymdastyrylǵan. Komıssııalardyń jumysyna baqylaýshylar qatysyp, daýys berý rásiminiń zańdylyǵy men ashyqtyǵyn qadaǵalap otyr.
101 jastaǵy Almaty turǵyny referendýmda daýys berdi
О́ńirlik bólinis boıynsha eń kóp ýchaske Aqtaý qalasynda ornalasqan – 94, Jańaózen qalasynda – 41, Munaıly aýdanynda – 42, Beıneý aýdanynda – 30, Mańǵystaý aýdanynda – 22, Qaraqııa aýdanynda – 18, al Túpqaraǵan aýdanynda 14 referendým ýchaskesi bar.
Referendým men jármeńke bir jerde: Atyraýda daýys berý erekshe formatta ótip jatyr
Aıta keteıik, referendým barysynda óńir turǵyndary óz azamattyq ustanymdaryn bildirip, eldiń qoǵamdyq-saıası damýyna qatysty mańyzdy máseleleri boıynsha daýys bere alady.
Mańǵystaý oblysy