Qoldaý jeńiske jigerlendiredi

*Prezıdent poshtasynan Elbasy Nursultan Nazar­baevqa WBA, IBO jáne WBC tujy­rymdary boıynsha kásipqoılar arasyndaǵy bokstan álem chempıony Gennadıı Golovkınnen hat keldi, dep habarlady Prezıdenttiń baspasóz qyzmeti. Qazaqstandyq sportshy óz hatynda Memleket basshysyna taıaýda ótken jekpe-jektegi jeńisine oraı joldaǵan jyly lebizi men tilegi úshin alǵys aıtady. «Men týǵan elimdi halyq­aralyq arenada tanytyp jáne Qazaqstannan shyqqan sańlaq sportshy qandaı bolatynyn búkil álemge kórsete otyryp, aıryqsha maqtanysh pen patrıottyq, jaýapkershilik sezimderine bólenemin. Elimizdegi boks pen sportty damytýǵa qarapaıym úlesimdi qosa júrip, Sizge jáne barsha otandastaryma qýanysh syılaýmen, memleketimizdiń mereıin ósirý múmkindigine ıe bolǵanym úshin shynaıy baqyttymyn», – delingen hatta. G.Golovkın hat sońynda Nur­sultan Nazar­baevtyń jáne barsha qazaq­standyqtardyń tarapynan kórsetilgen qoldaý onyń jeńiske degen jigerin nyǵaıta túsetinin atap ótken.