Memleket basshysy Nursultan Nazarbaev Fransııa Prezıdenti Fransýa Ollandpen telefon arqyly sóılesti, dep habarlady Prezıdenttiń baspasóz qyzmeti.
Qazaqstan men Fransııa basshylary Ýkraınanyń ońtústik-shyǵysyndaǵy ahýalǵa qatysty 12 aqpandaǵy Mınsk kelisimin júzege asyrý jónindegi keshendi sharalardy atqarý aıasynda pikir almasty.
Eki el prezıdentteri Mınsk kelisimi qazirdiń ózinde qantógisti toqtatýǵa yqpal etkenine nazar aýdardy. Qaqtyǵys aýmaǵynan aýyr tehnıkany áketýdiń mańyzdylyǵy atap ótildi.
Nursultan Nazarbaev Reseı men Eýropalyq odaq arasyndaǵy sanksııalardy birtindep alý úshin qajetti sharttarǵa kóńil aýdardy. F.Olland oq atý tolyq toqtatylyp, aýyr tehnıka áketilip, Marıýpol tóńiregindegi qaqtyǵys basylǵan jaǵdaıda sanksııalardy azaıtý máselesi talqylanýy múmkindigin aıtty.
Eki el kóshbasshylary Ýkraınadaǵy daǵdarysty retteý máselesi boıynsha halyqaralyq seriktestermen ózara is-qımyldy jalǵastyrýǵa daıyn ekenin bildirdi.
Sondaı-aq, áńgime barysynda Qazaqstan-Fransııa strategııalyq seriktestiginiń keleshegi talqylandy. Nursultan Nazarbaev F.Ollandqa Fransııaǵa bıyl saparmen kelýge shaqyrǵany úshin alǵys aıtty.
Telefon arqyly sóılesýge fransýz jaǵy bastamashylyq etti.