Qazaq-ózbek shekarasynda turǵan qazaqstandyq shekarashylar jalǵan qujatpen iri kólemdegi júkti shekaradan alyp ótpek bolǵan azamatty ustady.
Naqtyraq aıtqanda, elimizdiń ońtústigindegi Saryaǵash shekara otrıadyna qarasty «B.Qonysbaev avto» baqylaý-ótkizý beketiniń baqylaýshylary Qazaqstannan kórshiles О́zbekstanǵa muzdatylǵan balyqtardy alyp bara jatqan 43 jastaǵy otandasymyzdy toqtatty. Onyń «MAN» kóligine tıelgen júginiń kólemi shekarashylardyń kúdigin týǵyzdy. Qolyndaǵy qujat boıynsha júktiń kólemi azaıtylyp kórsetilgeni syrt kózge baıqalyp turdy. UQK ShQ baspasóz qyzmetiniń derekterine sáıkes, júkti tarazyǵa salyp ólshegende onyń salmaǵy 28 tonnadan asyp ketti.
Qujaty durys bolmaı shyqqan balyqtary úshin jerlesimiz ákimshilik jazaǵa tartylatyn boldy.
sýret : http://massaget.kz