Elbasy Nursultan Nazarbaev Q.Sátbaev atyndaǵy Qazaq ulttyq tehnıkalyq ýnıversıtetiniń rektory Jeksenbek Ádilovti qabyldady, dep habarlady Prezıdenttiń baspasóz qyzmeti.
Memleket basshysy oqý ornyn tehnıkalyq zertteý ýnıversıtetine aınaldyrýǵa baılanysty mańyzdy mindet turǵanyna toqtaldy.
Qazaqstan Prezıdenti eldi ındýstrııalandyrý baǵdarlamasyn júzege asyrý úderisinde joǵary bilikti ınjener mamandarǵa suranys ulǵaıatynyn atap ótti.
– Indýstrııalandyrý jyldary salynǵan 700-den astam nysan, sondaı-aq bıyl iske qosý josparlanǵan 70 shaqty kásiporyn jaqsy daıyndalǵan ınjenerlerdi qajet etedi. Sondyqtan sońǵy kezderi respýblıkanyń joǵary oqý oryndaryn damytý jáne transformasııalaý máselesine aıryqsha kóńil bólinýde. Sonymen qatar, qarjylandyrýdy ulǵaıtý, ǵylymı-zertteý ınstıtýttaryn ýnıversıtetterdiń qaramaǵyna berý isi stýdentterge oqý barysynda ǵylymmen aınalysýǵa jaǵdaı jasaýǵa baǵyttalǵan. О́kinishke qaraı, búginde túlekterdiń kópshiligi, tipti ǵylymı dáreje alǵandary da ǵylymǵa talpynbaıdy, – dedi Nursultan Nazarbaev.
J.Ádilov Almatyda resýrs únemdeý salasyndaǵy ınnovasııalyq klaster qurý barysy týraly aıtty. Sondaı-aq, tehnıka men tehnologııa, geologııa jáne taý-ken metallýrgııa salalaryndaǵy ınnovasııalyq jobalar týraly baıandady.
Kezdesý qorytyndysy boıynsha Memleket basshysy ınjenerlik bilim berýdi damytý salasyna qatysty birqatar mindetter qoıdy.