«Nur Otannyń» kezekti sezi 11 naýryzda ótedi

Bul týraly qaýlyǵa partııa Tóraǵasy Nursultan Nazarbaevtyń qol qoıǵanyn keshe «Nur Otan» partııasy Tóraǵasynyń birinshi orynbasary Baýyrjan Baıbek óńirlermen selektorlyq keńes ótkizý kezinde habarlady. Sezge elimizdiń barlyq óńir­lerinen 1200-den astam delegat qatysatyn bolady. Onyń ishin­de Parlamenttegi «Nur Otan» par­tııasynyń músheleri, ob­lys­tyq máslıhattardaǵy par­tııa­nyń depýtattyq frak­sııa­synyń jetekshileri, shalǵaı aýyl­dardyń ókilderin qosqanda 200-den astam bastaýysh partııa uıym­darynyń tóraǵalary, sondaı-aq, 100-den astam ardager men partııa belsendileri  bar delegattar qatysady dep josparlanýda. Partııa Jarǵysyna sáıkes, 26 aqpandaǵy bastaýysh partııa uıymdarynyń jıyndarynda, partııanyń aımaqtyq jáne óńir­lik fılıaldarynyń konferen­sııa­larynda «Nur Otan» partııa­synyń kezekti – HVI Sezine delegattar­dy usyný bastalady, dedi óziniń sózinde «Nur Otan» partııasy Tóraǵasynyń birinshi orynbasary Baýyrjan Baıbek.Beınebaılanys tártibinde ótken selektorlyq keńeske «Nur Otan» partııasy Ortalyq apparatynyń basshylyǵy, partııanyń óńirlik fılıaldarynyń birinshi orynbasarlary, sondaı-aq, 300 myńnan astam múshelerin qamtyǵan (bul barlyq nurotandyqtardyń tórtten úsh bóligi) 300-den astam bastaýysh partııa uıymynyń tóraǵalary qatysty. Keńes barysynda B.Baıbek partııanyń negizi bolyp tabylatyn bastaýysh partııa uıymdarynyń mańyzdylyǵyn atap ótti. Bas­taý­ysh partııa uıymdarynyń pikir­­leri esepke alyna otyryp, partııa­nyń mańyzdy sheshim­deri men baǵdarlamalary qabyl­dana­­dy. Tap osyndaı jolmen par­tııa­­nyń «Saıası doktrınasy» men «2025 jylǵa deıingi Sybaı­­las jemqorlyqqa qarsy is-qımyl baǵdarlamasy» sııaqty mańyz­dy qujattar talqylanyp, qabyldandy, delindi keńeste.  «Partııaǵa ár nurotandyqtyń, ár uıashyqtyń pikiri mańyzdy. Sondyqtan ústimizdegi jyly «Nur Otannyń» jumysy bas­taýysh partııa uıymdarynyń qyzmetiniń tıimdiligin arttyrýǵa baǵyttalady. 2015 jyl bastaýysh partııa uıymdarynyń jyly aıasynda ótedi», – dep habarlady partııa Tóraǵasynyń birinshi orynbasary Baýyrjan Baıbek. Sondaı-aq, óńirlerde jyl ba­rysynda «eń úzdik aýyldyq bas­taýysh partııa uıymy (BPU), «eń úzdik BPU basshysy» jáne t.b. atalymdarymen úzdik bas­taýysh partııa uıymdarynyń baıqaýlary ótkiziledi. Jyldyń sońyna deıin 1000 bastaýysh partııa uıymynyń tóraǵalary úshin trenıng ótkizý josparlanýda. Osyǵan uqsas trenıngter BPU-nyń 124 tóraǵasy úshin Astana qalasy men Aqmola oblysynda bolyp ótkeni de jetkizildi. Anyqtama úshin aıtar bolsaq, búginde 5598 bastaýysh partııa uıymy 849,7 myń partııa múshesiniń basyn biriktirip otyr eken. Bul – eldegi árbir toǵyzynshy saılaýshy degen sóz. BPU-nyń 60 paıyzdaıy aýyldy jerlerde ornalasqan. Onyń 40 paıyzyn áıelder basqarady. Eń iri 100 bastaýysh uıym qatarynda 300 myń adam bar kórinedi. Aıta keter jáıt, «Qazaqstan alıýmınııi» BPU «Nur Otan» partııasynyń eń múshesi kóp bastaýysh uıymy bolyp tabylady. Onyń quramynda 7 myń partııa múshesi bar. Jaqsybaı SAMRAT, «Egemen Qazaqstan».