Keshe Premer-Mınıstrdiń birinshi orynbasary Baqytjan Saǵyntaev Estonııa Respýblıkasynyń eks-prezıdenti Arnold Rıýıtel bastaǵan estonııalyq bıznes-delegasııamen kezdesti, dep habarlady Premer-Mınıstrdiń baspasóz qyzmeti.
Kezdesý barysynda, taraptar eki el arasyndaǵy saýda-ekonomıkalyq baılanystardy damytý, iskerlik yntymaqtastyqty keńeıtý máselelerin talqylady.
Baqytjan Saǵyntaev Estonııanyń Qazaqstan úshin Baltyq óńirindegi mańyzdy saıası jáne ekonomıkalyq áriptes bolyp tabylatynyn atap óte otyryp, estonııalyq kásipkerlerdi qazaqstandyq rynokty belsendirek ıgerýge shaqyrdy.
Áńgimelesýshiler Qazaqstan-Estonııa áriptestiginiń joǵary deńgeıin jáne eki el arasyndaǵy ózara baılanystardy ulǵaıtý úshin aıtarlyqtaı áleýettiń bar ekenin atap ótti.