PETROPAVL. 27 aqpan. Petropavl qalalyq ákimdiginiń uıymdastyrýymen jáne
«Ardıs» azamattyq bastamalardy damytý ortalyǵynyń, «Qazaqstan-2050» qoǵamdyq qozǵalysy aýmaqtyq fılıalynyń qoldaýymen «Qazaqstanda jasalǵan» atty aksııa ótip, ol 43 iri kásiporynnyń súıemeldeýine ıe boldy. Bul týraly qalalyq ákimdiktiń baspasóz qyzmeti habarlady.
Bastamashyldar turǵyndar men saýda oryndarynda bolyp, otandyq ónimder men taýarlar shyǵaratyn jergilikti óndiris oryndary jaıly jan-jaqty aqparat toptastyrylǵan túrli-tústi býkletter taratty. Memlekettik avtoınspeksııa qyzmetkerlerimen birlesip, reıdter júrgizý barysynda «Jergilikti ónimderdi kóptep satyp alyńyzdar!» dep iri áriptermen aıshyqty etip jazylǵan stıkerler júrgizýshilerge úlestirildi. Avtoturaqtarda turǵan kólikterdiń áınekshelerine japsyryldy. Áleýmettik jeliler arqyly «Soltústik Qazaqstanda jasalǵan» konkýrsy uıymdastyrylyp, túrli saýaldar qoıyldy. Onyń jeńimpazdary Naýryz merekesi qarsańynda jarııalanady.
«SQO stýdentter alıansy» qozǵalysynyń ókilderi «Mır» kóshesinde ornalasqan gıpermarkette bolyp, tutynýshylar arasynda jergilikti jáne sheteldik azyq-túlik ónimderi men taýarlardyń sapasyna qatysty saýaldama júrgizdi. Onyń qorytyndysy boıynsha otandyq ónimderge degen suranystyń kóbeıip kele jatqany baıqaldy. Basqa da saýda oryndaryn aralap, «Fregat», «SBI-Agro», «Leontev», «Kazmıasoprodýkt» sekildi jergilikti taýar óndirýshilerdiń ónimderin alýshylar qarasy mol ekenin kóz jetkizdi. О́ıtkeni, birinshiden, qospasy joq, taza, ekinshiden, baǵa qoljetimdi.
О́mir Esqalı.
Derek: Petropavl qalalyq ákimdiginiń baspasóz qyzmeti.
Sýret: bag.kz.