TARAZ. 27 aqpan. Sońǵy kezderi Jambyl oblysynda alaıaqtyq beleń alýda. 24-25 aqpanynda oblysta 12 alaıaqtyq deregi tirkelip, onyń 11-i áshkerelendi. Bul týraly oblystyq ishki ister departamentiniń baspasóz qyzmeti habarlady.
Taraz qalalyq ishki ister bólimine 1990 jyly týǵan H. esimdi azamattyń aryzy túsken. Onda ol – áldekim 2014 jyldyń qarasha aıynda quny 200 360 teńge shamasyndaǵy «Samsýng» uıaly telefonyn jáne «Samsýng EV-NH 1100» fotoapparatyn senimge kirý arqyly alaıaqtyq jolmen ıelenip ketkenin jazǵan. Soǵan baılanysty krımınaldy polısııa qyzmetkerleri Jańatas qalasynyń S.esimdi azamatyn ustady.
Al Shý aýdandyq ishki ister bólimine osy aýdannyń 1972 jyly týǵan jergilikti turǵynyna 2014 jyldyń qazan aıynda bir tanysy alaıaqtyq jolmen «Kaspıı» bankinen 150 myń teńge kóleminde aqshalaı nesıe aldyrǵan. Polısııa qyzmetkerleriniń jedel izdestirý is-sharalary nátıjesinde 42 jastaǵy M.esimdi azamat anyqtaldy.
27 jastaǵy oblys ortalyǵynyń jergilikti turǵyny 2014 jyldyń qazanynda tanysy taýar ákelip berem dep alaıaqtyq jolmen 180 000 teńgesin ıelenip ketkenin aıtyp shaǵymdandy. Taraz qalalyq ishki ister bólimi 2-PB qyzmetkerleri 1989 jyly týǵan Sh.esimdi qala turǵynyn qolǵa túsirdi.
Qazirgi tańda joǵaryda atalǵan kúdiktiler qylmystaryn tolyq moıyndap, olarǵa qatysty Qylmystyq kodekstiń 19-baby, 1-bólimimen is qozǵaldy. Sotqa deıingi tergeý jumystary júrgizilýde.
Oralhan Dáýit.
Derek: Jambyl oblystyq ishki ister departamentiniń baspasóz qyzmeti.
Sýret: bag.kz.