ASTANA. 27 aqpan. Qyzylorda oblysy Qazaly aýdanynda mektep oqýshylarynyń jazǵy demalysyn uıymdastyrý týraly áleýmettik jáne mádenı máseleler jónindegi turaqty komıssııanyń otyrysy bolyp ótti. Bul týraly egemen.kz habarlady.
Basqosýǵa bilim jáne ǵylym qyzmetkerleri kásipodaǵy oblystyq komıtetiniń tóraıymy Raıkúl Baınazarova, oblystyq máslıhat hatshysy Aqmaral Álnazarova, oblystyq bilim basqarmasynyń basshysy Baqytjan Saılybaev, oblystyq jáne aýdandyq máslıhat depýtattary, mekeme jáne derbes bólim basshylary, qala, kent, aýyldyq okrýg ákimderi, sondaı-aq, úkimettik emes uıymdardyń jetekshileri qatysty.
Kóterilgen másele jóninde baıandama jasaǵan aýdan ákiminiń mindetin atqarýshy Sultan Maqashov ótken jyly aýdan boıynsha 1-10 synyp aralyǵyndaǵy 13 220 oqýshynyń 3 729-y, ıaǵnı, 28,3 paıyzy jazǵy demalyspen jáne 9 387 bala (71%) jumyspen qamtylǵandyǵyn jetkizdi. Naqty aıtsaq, aýla klýbtarynda 2 710 bala, kórkeıtý, kógaldandyrý jáne qurylys jasaqtaryna 3 966 bala, ata-anasymen saıahatqa 2 711 bala, barlyǵy 9 387 bala tartylǵan.
Jalpy, aýdanda mektep oqýshylarynyń demalysyn qamtamasyz etý maqsatynda «Shaǵala» balalardy saýyqtyrý ortalyǵy jumys isteıdi. О́tken jyly ortalyqta 560 bala, mektep janyndaǵy kúndizgi tynyǵý lagerlerinde 2 535 bala jazǵy demalyspen qamtylǵan. Sondaı-aq, demalys ortalyǵynda ár aýysymda medısınalyq baqylaý jumystary júrgizilip turady.
Osy jyly aýdan boıynsha 1-10 synyp aralyǵyndaǵy 13286 oqýshynyń 30 paıyzyn (3965 bala) jazǵy demalyspen, qalǵanyn (9252 bala) jumyspen qamtý josparlanýda. Odan bólek, jyldaǵy dástúr boıynsha 560 balaǵa lagerde demalýǵa joldama berý kózdelýde. Onda turaqty túrde 13 úıirme jumys jasaıtyn bolady. Sondaı-aq, bıylǵy jyldan bastap «Shaǵala» lagerinde balalardy ulttyq qundylyqtar arqyly tárbıeleý qolǵa alynbaq. Sol maqsatta kıiz úı tigilip, ulttyq oıyndar úıirmesin ashý josparlanýda. Jazda balalardyń bos ýaqytyn tıimdi paıdalaný maqsatynda aýdanda 30 ámbebap jasandy jasyl alań, 2 stadıon, 2 sport kesheni jumys isteıdi. Onda 27 sport nusqaýshysy sporttyq sharalardy uıymdastyrady.
Elaman Qońyr.
Derek, sýret: egemen.kz.