«Meniń Qazaqstanym» poıyzynyń endigi baǵyty Qostanaı oblysynyń Arqalyq qalasy edi. Ýaqytynda oblys ortalyǵy bolyp, dańqy dúrildep turǵan qalanyń keıin basynan baǵy taıyp, problemasy mol shaharǵa aınalǵanyn kópshilik biledi. Sol qala keıingi kezde eńsesin biraz tiktep alǵan. О́ndiris oryndary iske qosylǵan, jurtshylyqty jumyspen qamtý məselesi de jaqsy jolǵa qoıylǵan. Bir sózben aıtqanda, qalanyń ózi de əjeptəýir ajarlanyp qalypty.
Arqalyq aqjarylqap tilekpen qarsy aldy
Poıyzdy shashý shashyp, ən-jyrmen qarsy alǵan Arqalyq jurty jolaýshylarǵa izgi nıetterin bildirdi. Qala əkimi Ǵazız Bekmuhamedov mərtebeli meımandardy qarsy ala otyryp, jumystaryna tabys tiledi.
– Qurmetti qonaqtar, sizderdiń basty mindetterińiz – halyqpen etene aralasyp, onyń muń-muqtajyn, talap-tilegin eskerý. Úgit poıyzynyń baǵdarlamasy boıynsha, dərigerler, mınıstrlik ókilderi, Qazaqstan halqy Assambleıasynyń músheleri, Ulttyq kəsipkerler palatasynyń, «Damý» kəsipkerlikti damytý qorynyń, «Nur Otan» partııasynyń ókilderi osy mindetterin qaltqysyz oryndap keledi. Sondaı-aq, otandyq estrada juldyzdary da halyqqa ən-shashýyn tartý etýde. Sondyqtan, «Meniń Qazaqstanym» poıyzynyń kelýi halqymyzdyń birligi bekem ekenin taǵy bir mərte dəleldedi, – dedi əkim.
Poıyz músheleri Arqalyq qalasynyń turǵyndaryn túrli məseleler boıynsha qabyldap, olardyń suraqtaryna jan-jaqty jaýap berdi. Sonymen qatar, delegasııa basshysy Ǵazız Telebaev jəne bir top depýtatpen QHA músheleri qaladaǵy psıhonevrologııalyq ınternat-úıinde bolyp, QHA-nyń «20 izgi is-shara» aksııasy aıasynda ondaǵy jarymjan azamattarǵa teledıdar men basqa da syılyqtar tartý etti.
Sol kúni Arqalyq qalasynda Kəsipkerlikti qoldaý ortalyǵy ashyldy. Shara «Meniń Qazaqstanym» poıyzynyń Arqalyq qalasyna kelýine oraı uıymdastyryldy. «Elbasymyz Nursultan Nazarbaev óziniń «Qazaqstan- 2050 Strategııasy – qalyptasqan memlekettiń jańa saıası baǵyty» atty Joldaýynda 2030 jyly ekonomıkamyzdaǵy shaǵyn jəne orta bıznestiń úlesin 2 ese ulǵaıtý boıynsha naqty mindet qoıdy. Osyǵan oraı, Ulttyq kəsipkerler palatasy Ulttyq ekonomıka mınıstrligimen birlese otyryp, «Bıznestiń jol kartasy-2020» memlekettik baǵdarlamasy aıasynda Qazaqstannyń barlyq oblystarynda kəsipkerlikti qoldaýdyń qoldanystaǵy júıesin jetildirý boıynsha jumystar júrgizýde. Búgingi ashylyp otyrǵan ortalyq sol jumystyń kórsetkishi», dep atap ótti Arqalyq qalasy əkiminiń orynbasary Erlan Týynsha. Endigi jerde bul ortalyqta turǵyndarǵa kəsipkerlikti ashý jəne júrgizý boıynsha barlyq qyzmetter men keńester tegin kórsetiletin bolady. Jalpy alǵanda, «bir tereze» qaǵıdasy boıynsha 20 túrli qyzmet kórsetiledi.
Keshqurym «Meniń Qazaqstanym» poıyzynyń ónerpazdary qala jurtshylyǵyna konserttik baǵdarlama tartý etti.
Rýdnyılyqtardyń kóńil-kúıi kóterińki
«Meniń Qazaqstanym» poıyzy keshe tańerteń Qostanaı oblysyndaǵy Rýdnyı qalasynyń vokzalyna mańdaı tiredi. Qala jurtshylyǵy qonaqtardy kóterińki kóńil-kúımen qarsy aldy. Rýdnyı qalasynyń əkimi Baqytjan Ǵaıazov mıtıngide sóz sóılep, «Meniń Qazaqstanym» poıyzynyń qatysýshylarynyń jumystaryna tabys tiledi.
Odan keıin «Meniń Qazaqstanymnyń» mamandary ər sala boıynsha ózderiniń mindetterin atqarýǵa kiristi. Osy kúni, əsirese, Densaýlyq saqtaý jəne əleýmettik damý mınıstrligi Aqparattyq-saraptamalyq ortalyǵy monıtorıng jəne saraptama departamentiniń dırektory Rysty Jumabekova basqarǵan top ónimdi jumys istedi. Rýdnyı qalasy jurtshylyǵymen kezdesken bul top músheleri adamdardyń kókeıindegi məselelerge múmkindiginshe naqty jaýap berýge tyrysty. «Biz jurtshylyqty tolǵandyrǵan suraqtardyń bərin jazyp aldyq jəne bul məselelerdi erteń tıisti oryndardyń nazaryna usynamyz», dedi R.Jumabekova.
«Meniń Qazaqstanym» poıyzynyń jetekshisi Ǵ.Telebaevtyń basshylyǵyndaǵy top «Mereı» əleýmettik jərdem kórsetý boıynsha Rýdnyı aýmaqtyq ortalyǵynda boldy. «QHA – 20 izgi is-shara!» aksııasy aıasynda «Mereı» ortalyǵyna 150 myń teńge kólemindegi jərdem sertıfıkatyn tabys etti.
«Meniń Qazaqstanym» poıyzynyń músheleri – dərigerler, zańgerler, əleýmettik sala qyzmetkerleri Rýdnyı qalasynda da óziniń mindetterin abyroımen atqardy. Keshke qalanyń ortalyq alańynda óner qaıratkerleri qala halqyna úlken konserttik baǵdarlamasyn usyndy.
«Meniń Qazaqstanym» poıyzy endi elimizdiń batysyna qaraı baǵyt alady.
Sharafaddın ƏMIROV,
«Egemen Qazaqstan».
Qostanaı oblysy.