Qazaqstan Parlamenti Májilisi Tóraǵasynyń orynbasary Sergeı Dıachenko Indonezııa Respýblıkasy О́kilder palatasy Tóraǵasynyń orynbasary Fahrı Hamza bastaǵan parlamenttik delegasııa ókilderimen kezdesti, dep habarlady Májilistiń baspasóz qyzmeti.
Taraptardyń atap ótkenindeı, el basshylary Nursultan Nazarbaev pen Sýsılo Iýdoıononyń memlekettik saparlary eki el yntymaqtastyǵynyń tereńdeı túsýine tyń serpin berdi. Qazirgi ýaqytta qos memleket arasyndaǵy ózara is-qımyl barlyq salada tabysty damyp keledi.
Qazaqstan Indonezııany Ońtústik-Shyǵys Azııadaǵy saıası jáne ekonomıkalyq áleýetke ıe aldyńǵy qatarly el retinde tanıdy.
Vıse-spıker saýda-ekonomıkalyq, mádenı-gýmanıtarlyq, saıası salalardaǵy ortaq jetistikterdi alǵa tartyp, qaýipsizdik pen turaqtylyq baǵytyndaǵy mańyzdy bastamalardy sóz etti.
О́z kezeginde О́kilder palatasynyń Vıse-spıkeri Fahrı Hamza atalǵan salalardaǵy ózara is-qımyldy odan ári tereńdetýdiń mańyzdylyǵyna toqtalyp, Indonezııanyń Qazaqstandy Ortalyq Azııadaǵy mańyzdy áriptesteriniń biri retinde qaraıtyndyǵyn atap ótti.
Kezdesý barysynda parlamentaralyq yntymaqtastyqty nyǵaıtý máselesine aıryqsha kóńil bólinip, eki eldiń zańnamalyq organdary arasynda ózara túsinistik jáne yntymaqtastyq jónindegi top qurý qajettiligi aıtyldy.