Almaty qalasynyń Polısııa departamenti áleýmettik jelilerge monıtorıng júrgizý barysynda qaladaǵy oıyn-saýyq mekemeleriniń birinde qoǵamdyq tártiptiń buzylýyn anyqtady, dep habarlaıdy Egemen.kz.
Beınejazbadan óner kórsetýshiniń qoǵamdyq oryndardaǵy minez-qulyq normalaryn elemeı, kópshilik aldynda balaǵat sózderdi ashyqtan-ashyq qoldanǵany kórinedi.
Tártip saqshylarynyń málimdeýinshe, mundaı is-áreketter usaq buzaqylyq retinde baǵalanady jáne qoǵamdyq tártipti buzý bolyp sanalady.
Almaty polısııasy trenıngte balaǵat sóz aıtqan koýchty jaýapqa tartty
Sot sheshimimen quqyqbuzýshy er azamatqa 20 AEK (aılyq eseptik kórsetkish) kóleminde ákimshilik aıyppul salyndy.
Jambyl oblysynda áıel TikTok-taǵy balaǵat sózderi úshin sottaldy
Polısııa departamenti qoǵamdyq oryndarda tártip saqtaý jáne aınaladaǵy adamdarǵa qurmet kórsetý – azamattyń mártebesi men qyzmetine qaramastan, barlyq jan úshin mindetti ekenin qatań eskertedi.