Sahara shólinde, Nıgerdiń soltústiginde kem degende 49 adamdy shól qysyp qaıtys boldy. Olar mingen júk kóligi eń jaqyn eldi meken men sý kózinen ondaǵan shaqyrym jerde buzylyp qalǵan, dep habarlaıdy Egemen.kz.
Qaıǵyly jaǵdaı bolǵan aımaq bıliginiń málimdeýinshe, bul adamdar Malı elinen musylmandardyń qasıetti Qurban aıt (Id al-Adha) merekesinen qaıtyp kele jatqan.
Jolaýshylar Telhandek turaǵynan shyqqan, alaıda Nıgerdiń Agadez provınsııasy gýbernatorynyń aıtýynsha, olar joldan adasyp, Nıger men Aljır shekarasyndaǵy Assamaka oazısinen 80 shaqyrym jerde turyp qalǵan. Bul aımaqta ondaǵan shaqyrym boıy eshqandaı eldi meken joq.
Mıanmada bolǵan jarylystan keminde 55 adam qaza tapty
Júrgizýshi men jolaýshylar júk kóligin óz kúshterimen jóndeýge tyrysqanymen, odan eshteńe shyqpaǵan. Jergilikti bılik bul qaıǵyly jaǵdaı týraly Assamaka oazısine jaıaý jetken eki adamnyń arqasynda bilgen.
«Sýsyz qalǵan jáne kólikti jóndeı almaǵan adamdar tiri qala almady. Qozǵalyssyz turǵan júk kóliginiń astynan jáne onyń aınalasynan ondaǵan máıit tabyldy», delingen gýbernatordyń resmı málimdemesinde.
Túrkııada jolaýshylar avtobýsy órtenip, 8 adam qaza tapty
Qutqarýshylar qaza tapqandardy ortaq qabirge jerledi. Qaıtys bolǵandardyń barlyǵy – Nıger azamattary.
«Jergilikti bılik ókilderi men qoǵamdyq uıymdar buǵan deıin de júrgizýshiler men saıahatshylarǵa shóldi kesip ótýdiń qaýip-qaterlerin jyldap túsindirip kele jatqanyn aıtady. Mundaı qaıǵyly oqıǵalar ásirese Lıvııa nemese Aljırge aparatyn joldarda jıi kezdesedi», deıdi jergilikti qoǵamdyq uıym jetekshisi Shehýo Azızý.