Almatyda kópqabatty turǵyn úı kesheniniń jertólesinee zańsyz jabdyqtalǵan jasyryn esirtki jylyjaıy tabyldy, dep habarlaıdy Egemen.kz.
Tártip saqshylarynyń tekseris júrgizýine úı turǵyndarynyń qyraǵylyǵy sebep bolǵan. Olar jertóle tarapynan shyǵatyn erekshe ári kúmándi ıisti sezip, jedel túrde «102» basqarý pýltine habarlasqan. Oqıǵa ornyna jetken polısııa qyzmetkerleri jertóle ishinde ósimdikterdi arnaıy ósirýge arnalǵan jasandy klımattyq jaǵdaıdyń jasalǵanyn jáne kásibı qurylǵylardyń ornatylǵanyn áshkereledi.
Shetelden esirtki tasymaldaǵan áıel bas bostandyǵynan aıyryldy
Tintý amaldarynyń nátıjesinde quqyq qorǵaý organdary zańsyz aınalymnan mynadaı zattardy aldy:
Syrtqy sıpaty qarasoraǵa uqsaıtyn ondaǵan túp tiri ósimdik;
Keptirilgen kúıdegi ósimdik tektes zattar;
Jaryqtandyrý qondyrǵylary;
О́nim ólsheıtin elektrondy tarazylar men vakýýmdy qaptaý apparattary;
Ishtegi temperatýrany baqylap turatyn arnaıy tehnıkalyq quraldar.
Almaty oblysynda esirtki zerthanasy joıyldy
Jedel-izdestirý sharalary barysynda bul jasyryn oryndy uıymdastyrýǵa qatysy bar kúdikti tulǵalar birden anyqtalyp, polısııa bólimine jetkizildi.
«Quramynda esirtkilik qasıeti bar ósimdikterdi qoldan ósirý – bul zańsyz esirtki saýdasynyń eń alǵashqy tizbegi. Turǵyndar men polısııanyń birlesken áreketiniń arqasynda bul zańsyzdyqtyń der kezinde joly kesildi. Qala aýmaǵynda mundaı qylmystardy anyqtaý jumystary aldaǵy ýaqytta da qatań túrde jalǵasa beredi», dedi Almaty qalalyq esirtki qylmysyna qarsy is-qımyl basqarmasynyń jetekshisi Batyrjan Abdýmasarov.
Qazir ustalǵan azamattardyń ústinen sotqa deıingi resmı tergeý amaldary bastalyp ketti.