Elordalyq BAQ pen áleýmettik jelilerde Astanada ekinshi halyqaralyq áýejaı salynatyn aýmaqtyń naqty belgili bolǵany týraly aqparat tarady. Alaıda Astana qalasy ákimdiginiń resmı saıty bul málimettiń shyndyqqa janaspaıtynyn habarlady, dep jazady Egemen.kz.
«Málimette kórsetilgen «Elordadan soltústik-batys baǵytynda - Shortandy kenti baǵytyna qaraı, Astana - Kókshetaý tasjolynyń boıyndaǵy aýmaq» Astana qalasynyń ákimshilik shekarasyna kirmeıdi. Osyǵan baılanysty atalǵan aýmaq ekinshi áýejaıdyń orny retinde Astananyń Bas josparynda qarastyrylýy múmkin emes.
Búgingi kúni ekinshi áýejaıdyń naqty ornalasatyn orny boıynsha túpkilikti sheshim qabyldanǵan joq. Astana qalasynyń Bas josparyna túzetýler engizý aıasynda tek yqtımal perspektıvalyq baǵyttar ǵana qarastyrylyp jatyr», delinge habarlamada.
Qosshy, Qaraǵandy álde Pavlodar: Astananyń ekinshi áýejaıy qaı baǵytta salynýy múmkin?
«2035 jylǵa deıingi Astana qalasynyń Bas josparyna ózgerister men tolyqtyrýlar engizý» jobasy aldymen qalalyq máslıhat depýtattarynyń talqylaýynan ótip, maquldanǵannan keıin ǵana Úkimettiń kelisýine jiberiledi.
Astanada 2035 jylǵa deıin ekinshi áýejaı salynady
Qala bıligi BAQ ókilderi men jeli qoldanýshylaryn tek resmı ári tekserilgen málimetterge senýge shaqyrady. Bul másele boıynsha naqty ári naqtylanǵan aqparat alý úshin «Astana qalasynyń Sáýlet, qala qurylysy jáne jer qatynastary basqarmasy» memlekettik mekemesine resmı suranys joldaýǵa bolady.