ASTANA. 28 naýryz. Reseı Federasııasynyń bıligi Kemerovo oblysynyń gýbernatory Aman Tóleevke ornyna laıyqty izbasar qaldyryp, otstavkaǵa ketýdi usynyp otyr. Bul týraly RBK habarlady.
«Kreml Aman Tóleevke Kýzbastyń gýbernatorlyǵy qyzmetinen ketýi kerek ekenin birneshe ret eskertip úlgerdi. Al Tóleevtiń ózi bolsa, mereıtoılyq merzimge jetip baryp, ketkendi qalaıdy», - dep atap ótti agenttik.
Kreml tarapynan estilip jatqan bul usynystyń basy ótken jyldyń shilde aıynan sóre tartady. Reseı bıligi bul usynysqa bıylǵy jyldyń basynda taǵy qaıtyp oraldy. Ol sodan bergi aralyqta Aman Ǵumarulynyń máseleni ońtaıly sheshýi kerektigin qaıta-qaıta eskertýmen keledi. bul, birinshiden, gýbernatordyń jasy ulǵaıyp, densaýlyǵy syr bere bastaýymen baılanysty, ekinshiden, «oblystyń damýyn jańa ekonomıkalyq modelge kóshirýdiń» qajettiginen týyndap otyr. «Qazirgi ekonomıkalyq jaǵdaıda kóterińki sosıalıstik mindetteme qabyldaý tártibimen jumys jasaıtyn «Kemerovo sosıalızmi» ómirsheń emes», - dep atap ótti Kremlge jaqyn mánbe osy oraıda.
Onyń aıtýynsha, úkimet ázirge bıliktiń reıtıngisi joǵary deńgeıden kórinip, ekonomıkalyq daǵdarys óziniń sharyqtaý shegine jetpeı turǵan kezde aımaqqa «jas lep» kelýdiń mańyzy aıryqsha zor bolmaq.
Kemerovo oblystyq ákimshiliginiń baspasóz qyzmeti bul jaǵdaıǵa baılanysty túsiindirme berýden bas tartqan. Ol: «oblys ákimshiligi resmı habarlama kútip otyr» degennen aryǵa barmaǵan. Al aldaǵy sáýir aıynda Aman Tóleevtiń gýbernatorlyǵynyń tórtinshi merzimi aıaqtalady.
Murat Aıtqoja.
Mánbe, sýret: RBK.