ASTANA. 28 naýryz. Máskeýdiń Sheremetevo áýejaıynyń Sheremetevo-3 termınalynda eki ushaq qanattarymen soqtyǵysyp, kezekti apatty jaǵdaı tirkeldi. Sonyń saldarynan áýe kólikteriniń sapary keıinge shegerildi. Bul týraly lifenews.ru habarlady.
Keleńsiz jaǵdaı A320 jáne A319 ushaqtary arasynda boldy. Bul kezde eki áýe kemesi de jerde bolǵanyn aıta keteıik. A320-nyń bortynda 147 jolaýshy men 6 ekıpaj múshesi bolǵan. Al kelesi ushaqta jolaýshylar bolmaǵan eken. Abyroı bolǵanda eshkim zardap shekken joq.
Qaqtyǵys barysynda eki ushaqtyń da qanattarynda aıtarlyqtaı aqaý paıda bolyp, josparlanǵan ushý kestelerine ózgerister engizildi.
Sheremetevo-3 Máskeýdegi Sheremetevo áýejaıyndaǵy «Aeroflot» áýe kompanııasynyń qatysýymen salynǵan jańa termınaldardyń biri. Paıdalanýǵa 2009 jyly berildi. Búgingi keleńsizdikke baılanysty atalǵan termınaldan ushatyn barlyq halyqaralyq jáne ishki áýe reısteri keıinge shegerildi. Bul ushaqtardyń barlyǵy «Aeroflot» jáne SkyTeam alıansyna múshe áýe kompanııalaryna tıesili ekenin aıta keteıik.
Elaman Qońyr.
Derek, sýret: lifenews.ru.