ASTANA. 29 naýryz. Keńes zamanyndaǵy ataqty sport kommentatory Nıkolaı Ozerovtyń uly para alǵany úshin kináli dep tanylyp, segiz jyl alty aıǵa túrmege qamaldy. Bul týraly Lenta.Ru habarlady.
Kishi Nıkolaı Ozerov Máskeý oblysy Shıolkovskıı aýdany Zagorıansk kentiniń jergilikti ózin ózi basqarý organynyń basshysy bolyp qyzmet istegen. Shıolkovskıı aýdandyq soty shyǵarǵan úkimge sáıkes, Ozerov qyzmet jaǵdaıyn paıdalana otyryp, áldekimnen deldal arqyly múlikke ıelik jáne aqsha túrinde para alǵan.
Qylmystardyń jıyntyǵy boıynsha, sot Nıkolaı Ozerovti segiz jyl alty aı bas bostandyǵynan aıyrý túrindegi jaza belgilegen. Sonymen qatar ol jazasyn ótep shyqqannan keıin úsh jylǵa deıin memlekettik bılik jáne jergilikti ózin ózi basqarý organdarynda laýazymdy qyzmetter atqara almaıdy. Buǵan qosa, qatań rejimdegi eńbekpen túzetý kolonııasynda jazasyn óteıtin sottalýshydan memlekettiń esebine 400 mln. rýbl kóleminde aıyppul alynady.
Murat Aıtqoja.
Mánbe, sýret: Lenta.Ru.