ASTANA. 29 naýryz. Keshe týnde fýtboldan 2016 jylǵy Eýropa chempıonatyna irikteý týrnıri aıasynda taǵy 9 oıyn ótti. «A» tobynda synǵa túsip jatqan Qazaqstannyń óz alańynda Islandııadan oısyraı utylǵany belgili. Bul týraly egemen.kz habarlady.
Bas komandamyz ádettegi júrisinen jańylmaı, ózi gol soqpasa da, qaqpasyna úsh dop jiberdi. Sóıtip, kezekti komandaǵa úsh upaı syılady. Osylaısha, 320 myń ǵana halqy bar, dop tebýge jaraıtyn qara jerinen toń bop qatqan muzy basym aral-memlekettiń ózi abyroıymyzdy aırandaı tógip ketti.
Biz muz qursaýyndaǵy ultaraqtaı araldan kelgen komandadan iri eseppen jeńilip júrgende, Bolgarııa álemniń 4 dúrkin chempıondary Italııanyń «eki aıaǵyn bir etikke tyqty». Jankúıerler nazaryn aýdarǵan bul kezdesý teń aıaqtaldy. Degenmen, Italııa sol teń nátıjege zorǵa qol jetkizdi. Birinshi bolyp esep ashqanymen, az ýaqyttyń ishinde eki gol jiberip aldy. Tek sońǵy sátte ǵana tarazy basyn teńestirýge múmkindik taýyp, jeńilisten aman qaldy.
Sondaı-aq, bizdiń toptaǵy qalǵan eki oıyn da asa tartysty ári qyzyqty ótti. Top basynda kele jatqan Chehııa óz alańynda Latvııamen teń oınaǵanyna rıza boldy. Latyshtar 90 mınýt boıy chehtardy ábden sastyrdy. Tipti úsh upaı oljalaýǵa tolyq múmkindikteri bolǵan edi. Degenmen, sońǵy sátte ǵana osaldyq tanytyp aldy.
Nıderlandy men Túrkııa arasyndaǵy oıynda da teń nátıje tirkeldi. Bul jupta Nıderlandynyń deńgeıi joǵary ekenine eshkim shúbá keltirmeıdi. Áıtse de, qyzǵaldaqty eldiń ókilderi túriktermen teń oınaǵanyna shúkirshilik aıtty. Eger tóreshi qosqan qosymsha ýaqyt bolmasa, jaǵdaı múldem basqasha bolar ma edi?!
Endeshe, keshe ótken oıyndardyń nátıjelerine nazar aýdaraıyq.
Qazaqstan – Islandııa 0:3 (0:2)
Goldar: Eıdýr Gýdonsen 20, Bırkır Bıarnason 32, 90+1.
Chehııa – Latvııa 1:1 (0:1)
Goldar: Vaslav Pılarj 90 – Alekseı Vıshnıakov (30).
Izraıl – Ýels 0:3 (0:1)
Goldar: Aaron Remsı 45+1, Garet Beıl 50,77.
Ázerbaıjan – Malta 2:0 (1:0)
Goldar: Djavıd Gýseınov 4, Dmıtrıı Nazarov 90+2.
Horvatııa – Norvegııa 5:1 (1:0)
Goldar: Marselo Brozovıch 30, Ivan Perıshıch 54, Ivısa Olıch 65, Gordon Shıldenfeld 87, Danıel Pranıch 90+4 – Aleksander Tettı 81.
Nıderlandy – Túrkııa 1:1 (0:1)
Goldar: Klas-Iаn Hýntelar 90+2 – Býrak Iylmaz 37.
Andorra – Bosnııa jáne Gersegovına 0:3 (0:1)
Goldar: Edın Djeko 13, 49, 62.
Belgııa – Kıpr 5:0 (2:0)
Goldar: Marýan Fellaını 21, 66, Krıstıan Benteke 35, Eden Azar 67, Mıshı Batshýaıı 80.
Bolgarııa – Italııa 2:2 (2:1)
Goldar: Ivelın Popov 11, Ilııan Mısanskı 17 – Iordan Mınev 4 (avtogol), Eder 84.
Elaman Qońyr.
Derek: egemen.kz.
Sýret: parimatch.com.